കോട്ടയം: കൊറോണ വൈറസ് ബാധയെന്ന് സംശയമുള്ള രണ്ടു പേരെ കോട്ടയം മെഡിക്കല് കോളജ് ആശുപത്രിയിലെ ഐസലേഷന് വാര്ഡില് പ്രവേശിപ്പിച്ചു. രണ്ടാഴ്ച മുമ്പ് വിദേശത്തു നിന്നെത്തിയ ഇവര് ആരോഗ്യവകുപ്പിന്റെ നിര്ദേശപ്രകാരം പൊതുജന സമ്പര്ക്കമില്ലാതെ വീട്ടില് കഴിയുകയായിരുന്നു.
പ്രതിദിന വിലയിരുത്തലിന്റെ ഭാഗമായി ബന്ധപ്പെട്ട വകുപ്പ് അധികൃതരോട് പനി, തൊണ്ടവേദന, ശ്വാസതടസ്സം, ജലദോഷം തുടങ്ങിയ ലക്ഷണങ്ങളുള്ളതായി ഇവര് അറിയിച്ചതിനെ തുടര്ന്ന് മെഡിക്കല് കോളജില് എത്തിക്കുകയായിരുന്നു. ജില്ലയില് ആര്ക്കും ഇതുവരെ കൊറോണ വൈറസ് ബാധ സ്ഥിരീകരിച്ചിട്ടില്ല.
ചൈന, ഹോങ്കോങ് എന്നിവിടങ്ങളില്നിന്ന് രണ്ടാഴ്ചയ്ക്കുള്ളില് നാട്ടിലെത്തിയ 79 പേര് ആരോഗ്യവകുപ്പിന്റെ നിര്ദേശങ്ങള് പാലിച്ച് വീടുകളില് കഴിയുന്നുണ്ട്. രോഗലക്ഷണങ്ങള് പ്രകടമല്ലെങ്കിലും എല്ലാ ദിവസവും ഇവരുടെ ആരോഗ്യസ്ഥിതി വകുപ്പ് വിലയിരുത്തുന്നുണ്ടെന്ന് ജില്ലാ മെഡിക്കല് ഓഫിസര് ഡോ. ജേക്കബ് വര്ഗീസ് അറിയിച്ചു.