തിരുവനന്തപുരം : കെ.പി.സി.സിയുടെ ജംബോ ഭാരവാഹിപട്ടികയ്ക്കെതിരെ കെ.മുരളീധരന് എം.പി. ജംബോ പട്ടിക ഗുണം ചെയ്യില്ലെന്നും രാഷ്ട്രീയകാര്യസമിതി അംഗങ്ങളോടോ എംപിമാരോടോ ആലോചിക്കാതെയാണ് പട്ടിക തയാറാക്കിയതെന്നും സോണിയ ഗാന്ധിയെ നേരില് കണ്ട് മുരളീധരന് പരാതിപ്പെട്ടു.
ജംബോ കമ്മിറ്റി വേണ്ടെന്നായിരുന്നു രാഷ്ട്രീയകാര്യസമിതിയിലെ പൊതുതീരുമാനം. അത് മറികടന്നാണ് ഇപ്പോള് പട്ടിക തയാറാക്കിയിരിക്കുന്നത്. യൂത്ത് കോണ്ഗ്രസ് വോട്ടെടുപ്പ് നടത്തുന്നത് പാര്ട്ടിയില് ചേരിതിരിവിന് കാരണമാകുമെന്നും അടുത്ത നിയമസഭ തിരഞ്ഞെടുപ്പ് കഴിയുന്നതുവരെ അഡ്ഹോക്ക് കമ്മിറ്റി രൂപീകരിച്ച് ചുമതല നല്കണമെന്നും മുരളീധരന് സോണിയഗാന്ധിയോട് ആവശ്യപ്പെട്ടു.
വട്ടിയൂര്ക്കാവില് സംഘടനാപരമായ പാളിച്ചയുണ്ടായെന്നും സോണിയയെ മുരളീധരന് അറിയിച്ചു. എന്എസ്സിന്റെ പരസ്യ പിന്തുണ ന്യൂനപക്ഷങ്ങളെ അകറ്റാന് ഇടയാക്കിയതായും മുരളി കോണ്ഗ്രസ് അധ്യക്ഷയെ ധരിപ്പിച്ചു.
ഭാരവാഹി പട്ടികയ്ക്ക് അംഗീകാരം നേടിയെടുക്കാന് കെ.പി.സി.സി പ്രസിഡന്റും പ്രതിപക്ഷനേതാവും അടുത്തദിവസം സോണിയഗാന്ധിയെ കാണാനിരിക്കെയാണ് മുരളീധരന്റ വിമര്ശനം.