സാമൂഹ്യ സേവനത്തിന് വൈറ്റ് ആർമിയുമായി കോൺഗ്രസ്

കൊച്ചി: രാഷ്ട്രീയേതര സാമൂഹിക സേവനങ്ങള്‍ക്കായി വൈറ്റ് ആര്‍മി രൂപീകരിച്ച് കോണ്‍ഗ്രസ്. എറണാകുളം ജില്ലാ കോണ്‍ഗ്രസ് കമ്മിറ്റിയാണ് 1250 അംഗ സന്നദ്ധ സേവന സംഘം രൂപീകരിച്ചത്. വരുന്ന റിപബ്ലിക് ദിനത്തിലാണ് വൈറ്റ് ആര്‍മിയുടെ ഔദ്യോഗിക തുടക്കം.വെള്ള പാന്റ്, ഷര്‍ട്ട്, ഷൂ എന്നിവയാണ് യൂണിഫോം.

നിര്‍ധനര്‍ക്കുള്ള വീട് നിര്‍മ്മാണം, ശുചീകരണം, ലഹരി വിരുദ്ധത, സാന്ത്വന പരിചരണം എന്നിവയുള്‍പ്പെടെ ഏറ്റെടുത്ത് നടപ്പിലാക്കും. ഓരോ മണ്ഡലം കമ്മറ്റിയില്‍ നിന്നും ചുരുങ്ങിയത് 10 പേരെ വീതമാണ് ഉള്‍പ്പെടുത്തിയത്.ഇതിനകം 1250 പേര്‍ രജിസ്റ്റര്‍ ചെയ്തിട്ടുണ്ട്. നാല് ദിവസം നീണ്ട് നില്‍ക്കുന്ന ആദ്യ ക്യാംപിന് ഇന്ന് കളമശ്ശേരിയില്‍ തുടക്കമാവും. ഡിസംബര്‍ ഒന്നിന് സമാപിക്കും. സന്നദ്ധ പ്രവര്‍ത്തകര്‍ക്കെല്ലാം മെഡിക്കല്‍ ഇന്‍ഷുറന്‍സ് പോളിസിയും ലഭ്യമാക്കുമെന്ന് ഡിസിസി പ്രസിഡണ്ട് മുഹമ്മദ് ഷിയാസ് അറിയിച്ചു.

Top