ന്യൂഡല്‍ഹി: മധ്യപ്രദേശില്‍ മുഖ്യമന്ത്രിയെ ഉടന്‍ തീരുമാനിക്കുമെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ഇക്കാര്യത്തില്‍ നേതാക്കളുടെയും പ്രവര്‍ത്തകരുടെയയുമൊക്കെ അഭിപ്രായം തേടുമെന്നും അദ്ദേഹം അറിയിച്ചു.
അതേസമയം, തുടര്‍ച്ചയായ രണ്ടാം തവണയും തെലങ്കാന മുഖ്യമന്ത്രിയായി കെ.ചന്ദ്രശേഖര റാവു സത്യപ്രതിജ്ഞ ചെയ്ത് അധികാരമേറ്റു.
കാലാവധി തീരാന്‍ മാസങ്ങള്‍ അവസാനിക്കെ മന്ത്രിസഭ പിരിച്ചുവിട്ട് നടത്തിയ തെരഞ്ഞെടുപ്പില്‍ വന്‍ വിജയമായിരുന്നു ടിആര്‍എസിന് ലഭിച്ചത്. 119 അംഗ നിയമസഭയില്‍ 88 സീറ്റുകള്‍ റാവുവിന്റെ പാര്‍ട്ടി നേടിയെടുത്തു.
സംസ്ഥാന രൂപീകരണത്തിനു ശേഷമുള്ള ആദ്യത്തെ തെരഞ്ഞെടുപ്പില്‍ 63 സീറ്റുകളോടെ അധികാരത്തിലെത്തിയ ടിആര്‍എസ് ഇത്തവണ അതിലും വലിയ വിജയമാണ് നേടിയെടുത്തത്.
