ന്യൂഡല്ഹി: മാതൃകാ പെരുമാറ്റചട്ടം ലംഘിച്ച നരേന്ദ്ര മോദിക്കും അമിത് ഷായ്ക്കുമെതിരെ തിരഞ്ഞെടുപ്പ് കമ്മീഷന് നടപടിയെടുക്കാത്തതിനെ ചോദ്യം ചെയ്ത് കോണ്ഗ്രസ് സുപ്രീംകോടതിയില്.സൈന്യത്തിന്റെ പേരില് വോട്ട് ചോദിച്ചതിന് ഇരുവര്ക്കുമെതിരെ നടപടുയെടുക്കാന് കമ്മീഷന് നിര്ദേശം നല്കണമെന്ന് കോണ്ഗ്രസ് സുപ്രീംകോടതിയില് നല്കിയ ഹര്ജിയില് ആവശ്യപ്പെട്ടു.
പ്രധാനമന്ത്രി നരേന്ദ്ര മോദിയും ബി.ജെ.പി അദ്ധ്യക്ഷന് അമിത് ഷായും തുടര്ച്ചയായി മാതൃകാ പെരുമാറ്റചട്ടം ലംഘിച്ചിട്ടുംതിരഞ്ഞെടുപ്പ് കമ്മീഷന് ഇക്കാര്യത്തില് കണ്ണടയ്ക്കുന്നു എന്ന ആരോപണമാണ് ഹര്ജിയില് ഉന്നയിക്കുന്നത്.കോണ്ഗ്രസ് മഹിളാ വിഭാഗം നേതാവായ സുഷ്മിത ദേവാണ് തിങ്കളാഴ്ച രാവിലെ സുപ്രീം കോടതിയില് ഹര്ജി ഫയല് ചെയ്തിരിക്കുന്നത്.
ബി.ജെ.പി നേതൃത്വംതുടര്ച്ചയായി സൈനികരുടെ പേരിലും പുല്വാമ, ബാലാകോട്ട് സംഭവങ്ങളുടെ പേരിലും വോട്ട് പിടിക്കുന്നു എന്നതാണ് കോണ്ഗ്രസ് ആരോപണം. പ്രതിപക്ഷ പാര്ട്ടികള് ഇക്കാര്യത്തില് നിരവധി പാരാതികള് നല്കിയിട്ടും നടപടിയുണ്ടാവാത്ത സാഹചര്യത്തിലാണ് കോണ്ഗ്രസിന്റെ ഈ നീക്കം. മോദിക്കും അമിത്ഷായ്ക്കുമെതിരെ നടപടിയെടുക്കാന് സുപ്രീംകോടതി തിരഞ്ഞെടുപ്പ് കമ്മീഷന് നിര്ദേശം നല്കണമെന്നാണ് ഹര്ജിയിലെ പ്രധാന ആവശ്യം