ന്യൂഡല്ഹി: ഇന്ത്യയുടെ ജിഡിപി സ്വാതന്ത്രലബ്ധിക്കു ശേഷമുള്ള ഏറ്റവും താഴ്ന്ന നിലയില് എത്തുമെന്ന ഇന്ഫോസിസ് സ്ഥാപകന് എന്.ആര്. നാരായണ മൂര്ത്തിയുടെ മുന്നറിയിപ്പ് ചൂണ്ടിക്കാട്ടി പ്രധാനമന്ത്രിയെ പരിഹസിച്ച് രാഹുല് ഗാന്ധി. 2019ലെ ബിജെപിയുടെ തിരഞ്ഞെടുപ്പ് മുദ്രാവാക്യം ഉപയോഗിച്ചാണ് രാഹുല് മോദിയെ പരിഹസിച്ചത്.
‘മോദി ഉണ്ടെങ്കില് എല്ലാം സാധ്യമാണ്’ എന്ന് രാഹുല് ട്വീറ്റ് ചെയ്തു. മൂര്ത്തിയുടെ മുന്നറിയിപ്പിനെക്കുറിച്ചുള്ള വാര്ത്താ റിപ്പോര്ട്ടിന്റെ സ്ക്രീന് ഷോട്ടും ട്വീറ്റില് ഉള്പ്പെടുത്തിയിരുന്നു. ഇന്ത്യയുടെ ജിഡിപി 1947ന് ശേഷമുള്ള ഏറ്റവും താഴ്ന്ന നിലയിലെത്തുമെന്ന് തിങ്കളാഴ്ചയാണ് നാരായണ മൂര്ത്തി ആശങ്ക പ്രകടിപ്പിച്ചത്. ഇന്ത്യയുടെ ജിഡിപി ചുരുങ്ങിയത് അഞ്ചു ശതമാനമെങ്കിലും കുറയും. 1947ന് ശേഷമുള്ള ഏറ്റവും താഴ്ന്ന നിലയിയില് ജിഡിപി എത്തിച്ചേരുമെന്നും മൂര്ത്തി പറഞ്ഞിരുന്നു.