ന്യൂഡല്ഹി: കോവിഡ് ബാധിച്ച് ചികിത്സയിലായിരുന്ന മുതിര്ന്ന കോണ്ഗ്രസ് നേതാവ് അഹമ്മദ് പട്ടേലിനെ തീവ്രപരിചരണ വിഭാഗത്തിലേക്ക് മാറ്റി. ഗുഡ്ഗാവിലെ മേദാന്ത ആശുപത്രിയിലെ തീവ്രപരിചരണ വിഭാഗത്തിലേക്കാണ് അദ്ദേഹത്തെ മാറ്റിയത്.
ഒക്ടോബര് ഒന്നിനാണ് അഹമ്മദ് പട്ടേലിന് കോവിഡ് സ്ഥിരീകരിച്ചത്. ഇതിനു ശേഷം ആശുപത്രിയില് ചികിത്സയിലായിരുന്നു. അദ്ദേഹത്തിന്റെ ആരോഗ്യനില തൃപ്തികരമാണെന്ന് മകന് ഫൈസല് പട്ടേല് അറിയിച്ചു.
