തിരുവനന്തപുരം: സംസ്ഥാനത്ത് ഇന്ന് മൂന്ന് ആരോഗ്യപ്രവര്ത്തകര്ക്കും അര്ധസൈനികര്ക്കും കോവിഡ് സ്ഥിരീകരിച്ചു. കോട്ടയത്ത് രണ്ടും ഇടുക്കിയില് ഒന്നും ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്. ഇതുകൂടാതെ തൃശൂരെ ഒമ്പത് ബിഎസ്എഫ് ജവാന്മാര്ക്കും കണ്ണൂരിലെ ഒരു സിഐഎസ്എഫ് ജവാനും ഒരു ഡിഎസ്സി ജവാനും, ആലപ്പുഴയിലെ മൂന്ന് ഇന്ഡോ ടിബറ്റന് ബോര്ഡര് പോലീസുകാര്ക്കും രോഗം ബാധിച്ചു.
അതേ സമയം ഇന്ന് കേരളത്തില് ഇന്ന് 301 പേര്ക്കാണ് കോവിഡ്-19 സ്ഥിരീകരിച്ചത്. തിരുവനന്തപുരം ജില്ലയില് നിന്നുള്ള 64 പേര്ക്കും, മലപ്പുറം ജില്ലയില് നിന്നുള്ള 46 പേര്ക്കും, തൃശൂര്, പാലക്കാട് ജില്ലകളില് നിന്നുള്ള 25 പേര്ക്ക് വീതവും, കണ്ണൂര് ജില്ലയില് നിന്നുള്ള 22 പേര്ക്കും, ഇടുക്കി ജില്ലയില് നിന്നുള്ള 20 പേര്ക്കും, ആലപ്പുഴ ജില്ലയില് നിന്നുള്ള 18 പേര്ക്കും, കോട്ടയം ജില്ലയില് നിന്നുള്ള 17 പേര്ക്കും, എറണാകുളം ജില്ലയില് നിന്നുള്ള 16 പേര്ക്കും, കോഴിക്കോട് ജില്ലയില് നിന്നുള്ള 15 പേര്ക്കും, വയനാട് ജില്ലയില് നിന്നുള്ള 14 പേര്ക്കും, കൊല്ലം ജില്ലയില് നിന്നുള്ള 8 പേര്ക്കും, പത്തനംതിട്ട ജില്ലയില് നിന്നുള്ള 7 പേര്ക്കും, കാസര്കോട് ജില്ലയില് നിന്നുള്ള 4 പേര്ക്കുമാണ് ഇന്ന് രോഗബാധ സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് 99 പേര് വിദേശ രാജ്യങ്ങളില് നിന്നും 95 പേര് മറ്റ് സംസ്ഥാനങ്ങളില് നിന്നും വന്നതാണ്.