മൈസുര്: മാനസികാസ്വാസ്ഥ്യമുള്ള 30 വയസുകാരിയെ ആശുപത്രില് വച്ച് ബലാത്സംഗം ചെയ്തതായി പരാതി. കെ ആര് ആശുപത്രിയിലാണ് സംഭവം. ആശുപത്രിയുടെ ജനല് വാതില് കുത്തി തുറന്ന് അകത്ത് കയറിയായിരുന്നു പീഡനം.
വിവരമറിഞ്ഞ ബന്ധുക്കള് ആശുപത്രി ജീവനക്കാരെ അറിയിക്കുകയായിരുന്നു. തുടര്ന്ന് നടത്തിയ പരിശോധനയിലാണ് പ്രതി അകത്ത് കയറിയത് ജനല് തുറന്നാണെന്ന് അറിയുന്നത്. എന്നാല് വിവരമറിഞ്ഞിട്ടും ഡോക്ടര്മാര് പോലും പ്രകരിക്കാന് തയ്യാറായില്ലെന്നും ബന്ധുക്കള് ആരോപിച്ചു.
വിഷയത്തില് മനുഷ്യാവകാശ കമ്മിഷന് കേസ് രജിസ്റ്റര് ചെയ്തു. കഴിഞ്ഞ ആഴ്ചയായിരുന്നു സംഭവം. അതിനിടെ പീഡന വിവരം പുറത്ത് പറഞ്ഞിതിന് രോഗിയായ സ്ത്രീയെ ആശുപത്രി അധികൃതര് ഉപദ്രവിച്ചതായും ബന്ധുക്കള് ആരോപിച്ചു. മനുഷ്യാവകാശ കമ്മിഷന് ഉത്തരവ് പ്രകാരം പൊലീസ് ആശുപത്രിയില് എത്തി.