ന്യൂഡല്‍ഹി: രാജ്യ തലസ്ഥാനത്ത് അന്തരീക്ഷ മലിനീകരണം വീണ്ടും ഉയരുന്നു.
തിങ്കളാഴ്ചയും , ചൊവ്വാഴ്ച്ചയും നിലവിലെ അവസ്ഥ തന്നെ തുടരുമെന്ന് വിദഗ്ധര്‍ അറിയിച്ചു.
കുറഞ്ഞ താപനിലയും കാറ്റിന്റെ അഭാവവും കാരണം ഞായറാഴ്ച തലസ്ഥാനത്തെ അന്തരീക്ഷം മലിനമായിരുന്നു.
വായു മലിനീകരണ സൂചിക കൂടിയ അളവായ 500 ല്‍ 365 ആണ് ഞായറാഴ്ച രേഖപ്പെടുത്തിയത്. ഇത് മോശം വായു നിലവാരമാണ് കാണിക്കുന്നത്.
ശനിയാഴ്ച ഇത് 331 ആയിരുന്നു. ഈ അവസ്ഥത തുടരുമെന്നാണ് സിസ്റ്റം ഒാഫ് എയര്‍ ക്വാളിറ്റി ആന്‍ഡ് വെതര്‍ ഫോര്‍കാസ്റ്റിങ് റിസേര്‍ച്ചിന്റെ നിഗമനം.
കാറ്റ് കുറവായതിനാൽ മലിന കണങ്ങള്‍ അന്തരീക്ഷത്തിൽ നിന്ന് നീങ്ങിയിരുന്നില്ല. ഡൽഹിയിൽ ശക്തമായി ഉയർന്ന് വന്ന മലിനീകരണം ജനങ്ങളിൽ നിരവധി രോഗങ്ങൾക്ക് കാരണമായിട്ടുണ്ട്.
