ബഗോട്ട: ലാറ്റിനമേരിക്കന് രാജ്യമായ കൊളംബിയയില് ബസ് 150 അടി താഴ്ചയിലേക്ക് മറിഞ്ഞ് അപകടം. സംഭവത്തില് ഏഴു പേര് മരിച്ചു. 12 പേര്ക്ക് അപകടത്തില് പരുക്കേറ്റു. മരിച്ചവരിലേറെയും മാര്ക്കറ്റിലേക്ക് പോയ കര്ഷകരാണ്.
ബോയോക്കയിലെ സാന് മാറ്റോയില് വച്ചാണ് അപകടം നടന്നത്. 19 പേരുമായി സഞ്ചരിച്ച ബസ് മലയിടുക്കില് വെച്ച് താഴേക്ക് പതിക്കുകയായിരുന്നു.
കാലപഴക്കം ചെന്ന ബസിന്റെ നിയന്ത്രണം നഷ്ടപ്പെട്ടതാണ് അപകടകാരണമെന്നാണ് പ്രാഥമിക നിഗമനം. ബസ് അനധികൃതമായാണ് സര്വീസ് നടത്തിയിരുന്നതെന്ന് അധികൃതര് പറഞ്ഞു.