ന്യൂഡല്ഹി: തിരുപ്പൂരില് അവിനാശിക്കടുത്ത് കെഎസ്ആര്ടിസി ബസും കണ്ടെയ്നറും കൂട്ടിയിടിച്ച് ഉണ്ടായ അപകടത്തില് അനുശോചനം അറിയിച്ച് പ്രധാനമന്ത്രി നരേന്ദ്രമോദി.
അപകടത്തില് ജീവന് നഷ്ടമായവരുടെ കുടുംബാംഗങ്ങളുടെ ദു:ഖത്തില് പങ്കുചേരുന്നു എന്ന് പ്രധാനമന്ത്രി പ്രതികരിച്ചു. പരിക്ക് പറ്റിയവര് എത്രയും പെട്ടെന്ന് സുഖം പ്രാപിക്കട്ടെ എന്നും പ്രധാനമന്ത്രി ട്വിറ്ററില് കുറിച്ചു,
Extremely anguished by the bus accident in Tamil Nadu’s Tiruppur district. In this hour of grief, my thoughts and prayers are with the bereaved families. I hope those who are injured recover at the earliest: PM @narendramodi
— PMO India (@PMOIndia) February 20, 2020
ബംഗളൂരുവില് നിന്ന് എറണാകുളത്തേക്ക് വന്ന കെ.എസ്.ആര്.ടി.സി വോള്വോ ബസും കണ്ടെയ്നറുമാണ് അപകടത്തില്പ്പെട്ടത്. അപകടത്തില് 20 പേര്ക്കാണ് ജീവന് പൊലിഞ്ഞത്. മരിച്ചവരെല്ലാം മലയാളികളാണ്. ബസിന്റെ ഡ്രൈവറും കണ്ടക്ടറും തല്ക്ഷണം മരിച്ചിരുന്നു. 48 യാത്രക്കാരാണ് ബസിലുണ്ടായിരുന്നത്. പരിക്കേറ്റവര് എല്ലാം അവിനാശി ജില്ലാ ആശുപത്രിയിലാണുള്ളത്. ഇതില് 2 പേരുടെ നില ഗുരുതരമാണ്.
പാലക്കാട്, തൃശൂര്, എറണാകുളം ജില്ലകളില് നിന്നുള്ളവരാണ് ബസില് ഉണ്ടായിരുന്നത്. മരിച്ച 12 പേരെ തിരിച്ചറിഞ്ഞു. പാലക്കാട് സ്വദേശി രാജേഷ് (35), തുറവൂര് ജിസ്മോന് ഷാജു (24), തൃശൂര് സ്വദേശി നസീഫ് മുഹമ്മദ് (24), ശിവകുമാര് (35) അറക്കുന്നം സ്വദേശി ബൈജു (47), ഐശ്വര്യ (28), തൃശ്ശൂര് സ്വദേശി ഇഗ്നി റാഫേല് (39), കിരണ് കുമാര് (33), തൃശ്ശൂര് സ്വദേശി ഹനീഷ് (25), എറണാകുളം ഗിരീഷ് (29), റോസ്ലി എന്നിവരെയാണ് തിരിച്ചറിഞ്ഞത്. അവിനാശി, തിരുപ്പൂര് ആശുപത്രികളില് മരിച്ചവരുടെ പോസ്റ്റ്മോര്ട്ടം നടക്കും.
പുലര്ച്ചെ 3.25-നാണ് അപകടമുണ്ടായത്. ഡിവൈഡറിലിടിച്ച് നിയന്ത്രണം വിട്ട് നിര തെറ്റിയ കണ്ടെയ്നര് ലോറി എതിര് ദിശയില് വന്ന കെഎസ്ആര്ടിസി ബസ്സുമായി ഇടിക്കുകയായിരുന്നു. ബസ്സിന്റെ വലതുവശത്താണ് കണ്ടെയ്നര് വന്ന് ഇടിച്ചത്. അതിനാല് വലതുഭാഗത്ത് ഇരുന്നവര്ക്കാണ് ഏറ്റവും കൂടുതല് പരിക്കേറ്റത്