തിരുവനന്തപുരം: മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി സി എം രവീന്ദ്രന് നാളെയും ഇഡിക്ക് മുമ്പില് ഹാജരാകില്ല. രവീന്ദ്രന് ആശുപത്രിയില് തന്നെ തുടരുമെന്നാണ് വിവരം. കടുത്ത ക്ഷീണവും അതുമായി ബന്ധപ്പെട്ട പ്രശ്നങ്ങളും ഉണ്ടെന്നാണ് പറയുന്നത്. തലച്ചോറിന്റെ എംആര്ഐ എടുക്കണമെന്നാണ് നിര്ദ്ദേശം. അതു കഴിഞ്ഞ് മാത്രമേ ഡിസ്ചാര്ജ്ജ് ചെയ്യൂ.
കൊവിഡാനന്തര ആരോഗ്യപ്രശ്നങ്ങള് ചൂണ്ടിക്കാട്ടിയാണ് സി എം രവീന്ദ്രന് തിരുവനന്തപുരം മെഡിക്കല് കോളേജില് ചികിത്സ തേടിയത്. കൊവിഡ് ഭേദമായതിന് ശേഷവും ആശുപത്രിയില് തുടര്ന്ന സി.എം.രവീന്ദ്രനോട് ചോദ്യം ചെയ്യലുമായി സഹകരിക്കാന് സിപിഎം സംസ്ഥാന നേതൃത്വം നിര്ദ്ദേശിച്ചിരുന്നു. തുടര്ന്ന് ആശപത്രി വിട്ട് വീട്ടില് ചികിത്സ തുടര്ന്നെങ്കിലും ആരോഗ്യ സ്ഥിതി മോശമെന്ന വിലയിരുത്തലില് ഇന്നലെ വീണ്ടും അഡ്മിറ്റ് ചെയ്യുകയായിരുന്നു.