ജമ്മു കശ്മീര്: ജമ്മു കശ്മീരിലെ കുല്ഗാം ജില്ലയില് ഡി.എച്ച് പോറ ഏരിയയിലെ സാംനോ മേഖലയില് വ്യാഴാഴ്ച ഉച്ചയോടെ ആരംഭിച്ച ഏറ്റുമുട്ടലില് അഞ്ച് ഭീകരര് കൊല്ലപ്പെട്ടു. സുരക്ഷാ സേനയുമായുണ്ടായ ഏറ്റുമുട്ടലില് ഓപ്പറേഷന് അന്തിമഘട്ടത്തിലാണെന്നും കൊല്ലപ്പെട്ട ഭീകരരെ തിരിച്ചറിഞ്ഞിട്ടില്ലെന്നും പൊലീസ് കൂട്ടിച്ചേര്ത്തു. ഡി.എച്ച് പോറ ഏരിയയിലെ സാംനോ മേഖലയില് വ്യാഴാഴ്ച ഉച്ചയോടെയാണ് ഏറ്റുമുട്ടല് ആരംഭിച്ചത്.
സൈന്യത്തിന്റെ 34 രാഷ്ട്രീയ റൈഫിള്സ്, 9 പാരാ (എലൈറ്റ് സ്പെഷ്യല് ഫോഴ്സ് യൂണിറ്റ്), പൊലീസ്, സിആര്പിഎഫ് എന്നിവയുടെ സംയുക്ത സംഘമാണ് ഭീകരര്ക്കെതിരായ ഓപ്പറേഷനില് പങ്കെടുക്കുന്നത്. ഇന്നലെ രാത്രിയോടെ സുരക്ഷാസേന ഭീകരരെ വളഞ്ഞിരുന്നു.
കൊല്ലപ്പെട്ട ഭീകരരില് നിന്ന് ആയുധങ്ങളും കുറ്റകരമായ വസ്തുക്കളും കണ്ടെടുത്തിട്ടുണ്ട്. ഇന്നലെ രാത്രി വൈകി ഓപ്പറേഷന് അവസാനിപ്പിച്ച സംഘം വെള്ളിയാഴ്ച പുലര്ച്ചെയോടെയാണ് തെരച്ചില് പുനരാരംഭിച്ചത്.