ഫ്രഞ്ച് വാഹന നിര്‍മ്മാതാക്കളായ സിട്രണ്‍ ഈ മാസം ആദ്യം പ്രീമിയം C5 എയര്‍ക്രോസ് എസ്‌യുവിയുമായി ഇന്ത്യന്‍ വിപണിയില്‍ പ്രവേശിച്ചു. C21 എസ്‌യുവി അടുത്തതായി വിപണിയിലെത്തിക്കാന്‍ കമ്പനി പദ്ധതിയിട്ടിട്ടുണ്ട്. 2022-ല്‍ എത്തുമെന്ന് പ്രതീക്ഷിക്കുന്ന ഈ മോഡലിന്റെ, കുറഞ്ഞ നിരക്കില്‍ ഇവി പുറത്തിറക്കാനും കമ്പനി ഒരുങ്ങുന്നു. ഗ്രൂപ്പ് PSA, ഇന്ത്യയ്ക്കായി ക്ലീനര്‍ വാഹനത്തില്‍ ശ്രദ്ധ കേന്ദ്രീകരിക്കാന്‍ പദ്ധതിയിട്ടിട്ടുണ്ട്, അതില്‍ ഇവികള്‍ മാത്രമല്ല, ഫ്‌ലെക്‌സ്-ഫ്യൂവല്‍ വാഹനങ്ങളും ഉള്‍പ്പെടുമെന്നാണ് സൂചന. മാരുതി ഇഗ്‌നിസ്, ഫോര്‍ഡ് ഫ്രീസ്‌റ്റൈല്‍, വരാനിരിക്കുന്ന ടാറ്റ HBX എന്നിവയോട് എതിരാളികളായി 2021-ല്‍ വിപണിയിലെത്തുമെന്ന് പ്രതീക്ഷിക്കുന്ന CC21 മിനി എസ്‌യുവിയുടെ ഇലക്ട്രിക് പതിപ്പായിരിക്കും വരാനിരിക്കുന്ന സിട്രണ്‍ ഇവി.
സിട്രണ്‍ CC21 ഇവി, ബ്രാന്‍ഡിന്റെ e-CMP ആര്‍ക്കിടെക്ചറിനെ പിന്തുണയ്ക്കും, ഇത് ചൈനീസ് പങ്കാളിയായ ഡോങ്ഫെങ് മോട്ടോറുമായി ചേര്‍ന്ന് വികസിപ്പിച്ചെടുത്തതാണെന്നും റിപ്പോര്‍ട്ടില്‍ പറയുന്നു. e-CMP പ്ലാറ്റ്ഫോമിന് 50 കിലോവാട്ട് വരെ ബാറ്ററി ശേഷിയും 100 കിലോവാട്ട് വരെ ഇലക്ട്രിക് മോട്ടോറും കൈകാര്യം ചെയ്യാന്‍ കഴിയും.
ഇത് 310 കിലോമീറ്ററിനും 340 കിലോമീറ്ററിനും ഇടയില്‍ പരമാവധി ഡ്രൈവിംഗ് പരിധി നല്‍കാനാകും. എന്നിരുന്നാലും, ചെലവ് കുറയ്ക്കുന്നതിന് ഇന്ത്യന്‍ മോഡലിന് ചെറിയ ബാറ്ററി-മോട്ടോര്‍ കോംബോ ഉണ്ടായിരിക്കുമെന്നാണ് അനുമാനങ്ങള്‍.
30 കിലോവാട്ട്‌സ് ബാറ്ററി പായ്ക്ക് ഉപയോഗിച്ച് വാഹനം ലഭ്യമാകുമെന്ന് ചില റിപ്പോര്‍ട്ടുകള്‍ സൂചിപ്പിക്കുന്നു. എന്നാല്‍ കാര്‍ എത്തുന്ന സെഗ്മെന്റിന് ഇത് അല്‍പ്പം വിലയേറിയതായിരിക്കുമെന്നാണ് സൂചന.
