തിരുവനന്തപുരം: കേരളത്തില്‍ സിബിഐ നേരിട്ട് കേസെടുക്കുന്നതിനെ എതിര്‍ക്കുവാനുള്ള സര്‍ക്കാര്‍ നീക്കത്തെ വിമര്‍ശിച്ച് പ്രതിപക്ഷ നേതാവ് രമേശ് ചെന്നിത്തല. ലൈഫ് മിഷന്‍ ഉള്‍പ്പടെയുള്ള ക്രമക്കേടുകളില്‍ അന്വേഷണം മുഖ്യമന്ത്രിയിലേക്ക് നീളുന്ന സാഹചര്യത്തിലാണ് നടപടിയെന്ന് ചെന്നിത്തല പറഞ്ഞു.
മറ്റ് സംസ്ഥാനങ്ങളില്‍ രാഷ്ട്രീയ പ്രേരിതമായി പകപോക്കുവാനായി സിബിഐയെ ഉപയോഗിച്ചപ്പോഴാണ് നിയന്ത്രണങ്ങള്‍ കൊണ്ട് വന്നതെന്ന് ചെന്നിത്തല പറഞ്ഞു. മുഖ്യമന്ത്രി കത്തിനെ തുടര്‍ന്നാണ് സ്വര്‍ണക്കള്ളക്കടത്ത് കേസില്‍ ദേശീയ അന്വേഷണ ഏജന്‍സികള്‍ വന്നതെന്നും ചെന്നിത്തല വ്യക്തമാക്കി.
