മുംബൈ: ഇന്ത്യന് പ്രിമിയര് ലീഗിലെ പുത്തന് അവകാശിയെ തേടി ചെന്നൈ സൂപ്പര് കിംഗ്സും സണ് റൈസേഴ്സ് ഹൈദരാബാദും മുംബൈ വാംഖഡെ സ്റ്റേഡിയത്തില് പരസ്പരം പോരിനിറങ്ങി. ഫൈനലില് ടോസ് നേടിയ ചെന്നൈ സൂപ്പര് കിങ്സ് ക്യാപ്റ്റന് മഹേന്ദ്രസിങ് ധോണി സണ് റൈസേഴ്സ് ഹൈദരാബാദിനെ ബാറ്റിങിനയച്ചു. ഇന്ത്യന് പ്രീമിയര് ലീഗിന്റെ പതിനൊന്നാം സീസണിന്റെ കലാശക്കൊട്ടാണ് ഇന്ന് വാങ്കഡെ സ്റ്റേഡിയത്തില് നടക്കുന്നത്.
ചെന്നൈ സൂപ്പര് കിങ്സിന് ഇത് അവരുടെ ഏഴാമത്തെ ഫൈനല് ആണ്. സണ്റൈസേഴ്സ് ആവട്ടെ രണ്ടാമത്തെ ഫൈനലും. ചെന്നൈയില് ഹര്ഭജന് സിംഗിന് പകരം കരണ് ശര്മ്മ ടീമിലെത്തി. ഖലീല് അഹമ്മദിനു പകരം സന്ദീപ് ശര്മ്മയും വൃദ്ധിമന് സാഹക്ക് പകരം ശ്രീവത്സ് ഗോസ്വാമിയും സണ് റൈസേഴ്സ് ഹൈദരാബാദിന് വേണ്ടി ഇറങ്ങും.
വാതുവയ്പ് വിവാദങ്ങളെച്ചൊല്ലി രണ്ട് വര്ഷത്തെ വിലക്കിന് ശേഷം വീണ്ടും ഐ.പി.എല്ലില് തിരിച്ചെത്തിയ ചെന്നൈ ലക്ഷ്യമിടുന്നത് മൂന്നാമത്തെ ഐ.പി.എല് കിരീടമാണ്. മറുവശത്ത് ഹൈദരാബാദ് ഉന്നം വയ്ക്കുന്നത് രണ്ടാമത്തെ ചാമ്പ്യന്
പട്ടവും. 22ന് ഇവിടെത്തന്നെ നടന്ന ഒന്നാം ക്വാളിഫയറില് ഹൈദരാബാദിനെതിരെ തോല്വിയുടെ വക്കില് നിന്ന് ഫാഫ് ഡുപ്ലെസിയുടെ ബാറ്റിംഗ് മികവില് 2 വിക്കറ്റിന്റെ നാടകീയ വിജയം പിടിച്ചെടുത്താണ് ചെന്നൈ ഫൈനലിന് യോഗ്യത നേടിയത്.
കഴിഞ്ഞ ദിവസം നടന്ന രണ്ടാം ക്വാളിഫയറില്, എലിമനേറ്ററില് രാജസ്ഥാന് റോയല്സിനെ കീഴടക്കിയെത്തിയ കൊല്ക്കത്ത നൈറ്റ് റൈഡേഴ്സിനെ അഫ്ഗാന്താരം റഷീദ് ഖാന്റെ ആള്റൗണ്ട് മികവില് 14 റണ്സിന് തോല്പിച്ചാണ് ഹൈദരാബാദ് കലാശക്കളിക്ക് എത്തിയിരിക്കുന്നത്.