19ലക്ഷം രൂപയുടെ കുഴൽപ്പണവുമായി രണ്ടു പേർ എക്‌സൈസിന്റെ പിടിയിൽ

arrest

കല്‍പ്പറ്റ: മുത്തങ്ങ എക്‌സൈസ് ചെക്ക്‌പോസ്റ്റില്‍ നിന്നും 19ലക്ഷം രൂപയുടെ കുഴല്‍പ്പണവുമായി രണ്ടു പേര്‍ എക്‌സൈസിന്റെ പിടിയില്‍.

കോഴിക്കോട് കൊടുവള്ളി സ്വദേശി സുല്‍ഫിക്കര്‍ അലി, (32), കോഴിക്കോട് കൊളത്തറ സ്വദേശി കെ.പി മുഹമ്മദ് ബഷീര്‍ (31) എന്നിവരെയാണ് പൊലീസ് പിടികൂടിയിരിക്കുന്നത്. മൈസൂരുവില്‍ നിന്നും കോഴിക്കോട്ടേയ്ക്ക് കാറില്‍ കടത്തുകയായിരുന്ന പണം രഹസ്യ വിവരത്തിന്റെ അടിസ്ഥാനത്തിലാണ് പിടിച്ചെടുത്തത്.

എക്‌സൈസ് ഇന്‍സ്‌പെക്ടര്‍മാരായ എം.സുനില്‍, ബെന്നി ജോര്‍ജ്, പ്രിവന്റീവ് ഓഫീസര്‍മാരായ കെ.രമേഷ്, പി.എസ്. വിനീഷ്, ഏലിയാസ് വി.പി, അബ്ദുള്‍ സലീം, സിഇഒ പ്രജീഷ്, ബീരാന്‍ കോയ എന്നിവര്‍ സംഘത്തിലുണ്ടായിരുന്നു. പിടിയിലായവരെയും പണവും ബത്തേരി പോലീസിന് കൈമാറി.

Top