ന്യൂഡല്ഹി: ടി.ഡി.പി നേതാവും ആന്ധ്ര പ്രദേശ് മുഖ്യമന്ത്രിയുമായ ചന്ദ്രബാബു നായിഡുവും കോണ്ഗ്രസ് അധ്യക്ഷന് രാഹുല് ഗാന്ധിയും തമ്മില് കൂടിക്കാഴ്ച നടത്തി.
രാഹുല് ഗാന്ധിയുടെ വസതിയില് വെച്ചാണ് ഇരു നേതാക്കളും തമ്മില് കൂടിക്കാഴ്ച നടത്തിയത്. ലോക്സഭാ തിരഞ്ഞെടുപ്പില് ബി.ജെ.പിയെ പരാജയപ്പെടുത്തുന്നതുമായി ബന്ധപ്പെട്ടാണ് ഇരുവരും കൂടിക്കാഴ്ച നടത്തിയത്.
രാജ്യത്ത് ജനാധിപത്യം അപകടത്തിലാണെന്നും ഭാവി തലമുറയെ സംരക്ഷിക്കുന്നതിനായി പ്രതിപക്ഷ ഐക്യം ശക്തിപ്പെടുത്തണമെന്നും ചന്ദ്രബാബു നായിഡു വ്യക്തമാക്കി. രാഹുല് ഗാന്ധിയുമായുള്ള ചര്ച്ചയ്ക്ക് മുന്നോടിയായി പ്രതിപക്ഷ നേതാക്കളായ ശരത് പവര്, ഫാറൂഖ് അബ്ദുള്ള എന്നിവരുമായി കൂടിക്കാഴ്ച നടത്തിയ ശേഷമായിരുന്നു നായിഡു പ്രതികരിച്ചത്.