പാരീസ്: ചാമ്പ്യൻസ് ലീഗിൽ നിലവിലെ ചാമ്പ്യന്മാർ പുറത്ത്. ഇന്നലെ നടന്ന ക്വാർട്ടർ പോരാട്ടത്തിലാണ് ബയേൺ മ്യൂണിച്ച് പുറത്തായത്. ഫ്രഞ്ച് ലീഗിലെ ചാമ്പ്യന്മാരായ പി.എസ്.ജിയാണ് രണ്ടാം പാദത്തിൽ തോറ്റെങ്കിലും ബയേണിനെ പുറത്താക്കിയത്. ആദ്യ പാദത്തിൽ 3-2ന് സ്വന്തം തട്ടകത്തിൽ തോറ്റതാണ് ബയേണിന് തിരിച്ചടിയായത്.
പി.എസ്.ജിയെ എതിരില്ലാത്ത ഒരു ഗോളിന് തോൽപ്പിച്ചെങ്കിലും എവേ മത്സരത്തിലെ 3-2ന്റെ ഗോൾ വ്യത്യാസം മറികടക്കാനാവാതിരുന്നത് അവസരം നഷ്ടപ്പെടുത്തി. ജയിക്കാൻ ഇന്നലെ 2-0ന്റെ ജയം അനിവാര്യമായിരുന്നു. ഇന്നലത്തെ മത്സരത്തിൽ ബയേണിനായി എറിക് മാക്‌സിമാണ് ഏകഗോൾ നേടിയത്. 40-ാം മിനിറ്റിലാണ് വിജയ ഗോൾ അടിക്കാനായത്.
