പുതിയ ചലഞ്ചര്‍ ക്രൂയിസര്‍ ഈ വര്‍ഷം അവസാനത്തോടെ ഇന്ത്യന്‍ വിപണിയിലേക്ക്

ഭ്യന്തര വിപണിയില്‍ പുതിയ ചലഞ്ചര്‍ ക്രൂയിസറിനെ അവതരിപ്പിക്കാനൊരുങ്ങി പോളാരിസിന്റെ ഉടമസ്ഥതയിലുള്ള ഇന്ത്യന്‍ മോട്ടോര്‍സൈക്കിള്‍. 2020 അവസാനത്തോടെ ക്രൂയിസറിനെ അവതരിപ്പിക്കാനാണ് കമ്പനിയുടെ തീരുമാനം. ഇന്ത്യയില്‍ 21 ലക്ഷം രൂപയിലായിരിക്കും വില ആരംഭിക്കുമെന്ന് പ്രതീക്ഷിക്കുന്നു.

ക്രൂയിസറിന്റെ 1,769 സിസി ലിക്വിഡ്-കൂള്‍ഡ്, 60 ഡിഗ്രി വി-ട്വിന്‍ 4 വാല്‍വ് സിലിണ്ടര്‍ എഞ്ചിന്‍ 122 bhp കരുത്തില്‍ 173.5 Nm torque ഉത്പാദിപ്പിക്കാന്‍ ശേഷിയുള്ളതാണ്. ഇത് ആറ് സ്പീഡ് ഗിയര്‍ബോക്‌സുമായാണ് ജോടിയാക്കിയിരിക്കുന്നത്.

ഇന്റഗ്രേറ്റഡ് ഡിആര്‍എല്‍ ഉള്ള എല്‍ഇഡി ഹെഡ്ലാമ്പുകള്‍, ഹാര്‍ഡ്-കേസ് പന്നിയറുകള്‍, ഇലക്ട്രിക്കലി ക്രമീകരിക്കാവുന്ന വിന്‍ഡ്ഷീല്‍ഡ്, കീലെസ് ഇഗ്‌നിഷന്‍, ക്രൂയിസ് കണ്‍ട്രോള്‍, 7.0 ഇഞ്ച് ടച്ച്സ്‌ക്രീന്‍ ഡിസ്പ്ലേ, ബ്ലൂടൂത്തിനൊപ്പം 1000W മ്യൂസിക് സിസ്റ്റം എന്നിവ ചലഞ്ചറിലെ സവിശേഷതകളുടെ പട്ടികയില്‍ ഉള്‍പ്പെടുന്നു.

Top