ദാദ്ര ഹവേലി: രാജിവച്ച മലയാളി ഐഎഎസ് ഉദ്യേഗസ്ഥൻ കണ്ണൻ ഗോപിനാഥിനോട് തിരികെ ജോലിയിൽ പ്രവേശിക്കാൻ കേന്ദ്ര സർക്കാരിന്റെ നിർദേശം. രാജിക്കാര്യത്തില് തീരുമാനമാകുന്നതുവരെ ജോലിയില് തുടരാനാണ് നോട്ടീസില് ആവശ്യപ്പെട്ടിരിക്കുന്നത്.
രാജിക്കത്തു സ്വീകരിച്ചുകഴിഞ്ഞ ശേഷമേ രാജി നിലവില് വരൂവെന്നും സില്വാസയില് അദ്ദേഹം താമസിച്ചിരുന്ന ഗസ്റ്റ്ഹൗസിന്റെ വാതിലില് പതിപ്പിച്ച നോട്ടീസില് പറയുന്നു. ദാമന് ദിയു ഭരണകൂടമാണ് നോട്ടീസ് അയച്ചത്.
കേന്ദ്രഭരണപ്രദേശങ്ങളായ ദാമന് ദിയു, ദാദ്രനദര് ഹവേലി എന്നിവിടങ്ങളിലെ വൈദ്യുത പാരന്പര്യേത-ഊര്ജവകുപ്പ് സെക്രട്ടറി സ്ഥാനത്തിരിക്കെയാണ് കണ്ണന് രാജിവെച്ചത്. ജമ്മുകശ്മീര് വിഷയത്തില് സ്വതന്ത്ര അഭിപ്രായം രേഖപ്പെടുത്താന് സാധിക്കില്ലെന്നു കാട്ടി ഓഗസ്റ്റ് 21-നാണ് കേന്ദ്ര ആഭ്യന്തരമന്ത്രാലയത്തിനു രാജിക്കത്ത് നല്കിയത്.
2012 ബാച്ച് ഐഎഎസ് ഉദ്യോഗസ്ഥനാണ് അദ്ദേഹം. കേന്ദ്രഭരണ പ്രദേശമായ ദാദ്ര ആന്ഡ് നാഗര് ഹവേലിയിലെ ജില്ലാ കളക്ടറായിരുന്ന കണ്ണന് നിലവില് ദാദ്രയിലെ ഊര്ജ്ജ-നഗരവികസനവകുപ്പ് സെക്രട്ടറിയായി പ്രവര്ത്തിച്ചു വരികെയാണ് രാജിവെച്ചത്.