ഡൽഹി : കേന്ദ്രസര്ക്കാരും കര്ഷക സംഘടനകളുമായുള്ള ഒന്പതാംവട്ട ചര്ച്ച ഇന്ന് നടക്കും. ഉച്ചയ്ക്ക് പന്ത്രണ്ടിന് ഡല്ഹിയിലെ വിഗ്യാന് ഭവനിലാണ് ചര്ച്ച. അതേസമയം, സുപ്രിംകോടതി രൂപീകരിച്ച സമിതിയുടെ ആദ്യ സിറ്റിംഗ് ഈ മാസം പത്തൊന്പതിന് നടക്കും. കോണ്ഗ്രസിന്റെ നേതൃത്വത്തില് ഇന്ന് രാജ്യവ്യാപകമായി പ്രതിഷേധവും രാജ്ഭവന് മാര്ച്ചും സംഘടിപ്പിക്കും.
ഈമാസം അവസാനം ഡല്ഹിയില് നിരാഹാര സത്യഗ്രഹം ആരംഭിക്കുമെന്ന് കാണിച്ച് ഗാന്ധിയന് അന്നാ ഹസാരെ പ്രധാനമന്ത്രി നരേന്ദ്രമോദിക്ക് കത്തയച്ചു. കേരളത്തില് നിന്ന് പുറപ്പെട്ട അഞ്ഞൂറ് കര്ഷകരുടെ ആദ്യസംഘം ഇന്ന് രാജസ്ഥാന്-ഹരിയാന അതിര്ത്തിയായ ഷാജഹാന്പൂരില് എത്തും.കേന്ദ്രസര്ക്കാരുമായി മാത്രമേ ചര്ച്ചയ്ക്കുള്ളുവെന്ന് കര്ഷക സംഘടനകള് കടുത്ത നിലപാട് സ്വീകരിച്ചതോടെയാണ് കേന്ദ്രം അയഞ്ഞത്. തുറന്ന മനസോടെ ചര്ച്ചയ്ക്ക് തയാറാണെന്ന് കൃഷിമന്ത്രി നരേന്ദ്രസിംഗ് തോമര് പറഞ്ഞു.