ന്യൂഡൽഹി: രാജ്യത്തെ കൊവിഡ് വാക്സിന് നിര്മ്മാതാക്കളായ ഭാരത് ബയോടെക്, സെറം ഇന്സ്റ്റ്യൂട്ട് ഓഫ് ഇന്ത്യ എന്നിവര്ക്ക് കേന്ദ്രസര്ക്കാര് 4500 കോടി നല്കും. ഇതില് 3,000 കോടി എസ്ഐഐയ്ക്കും, 1500 കോടി ഭാരത് ബയോടെക്കിനുമാണ് നല്കുക. ധനകാര്യ മന്ത്രാലയം തിങ്കളാഴ്ച തന്നെ ഇതിന് അനുമതി നല്കിയിരുന്നു.
രാജ്യത്ത് മെയ് ഒന്നുമുതല് 18 വയസിന് മുകളിലുള്ള എല്ലാവര്ക്കും വാക്സിന് നല്കാന് കേന്ദ്രസര്ക്കാര് തീരുമാനമെടുത്തിരുന്നു. ഇത് കൂടി പരിഗണിച്ചാണ് വാക്സിന് ഉത്പാദനം വര്ദ്ധിപ്പിക്കാന് അടിയന്തര സഹായം അനുവദിച്ചത്. നേരത്തെ വാക്സിന് നയത്തില് സര്ക്കാര് ചില മാറ്റങ്ങള് കൊണ്ടുവന്നിരുന്നു. ഇത് പ്രകാരം 50 ശതമാനം വാക്സിന് പൊതുമാര്ക്കറ്റില് എത്തിക്കാം. ഇത് സംസ്ഥാനങ്ങള്ക്കും മറ്റും വാങ്ങാം.