മലയാള സിനിമയില് തല്ലുമാല സിനിമ പുതിയ ഒരു വിഷ്വൽ ട്രീറ്റ് ആയിരിക്കുമെന്ന് റിപ്പോര്ട്ടുകള്. സെന്സര് ബോര്ഡ് അംഗങ്ങളെ ഉദ്ധരിച്ച് ഫോറം കേരളയാണ് റിപ്പോര്ട്ട് പങ്കുവെച്ചത്. ഗംഭീര അഭിപ്രായം പങ്കുവെച്ച സെന്സര് ബോര്ഡ് അംഗങ്ങള് ചിത്രത്തിലെ സംഘട്ടനത്തെയും പാട്ടുകളെയും പ്രശംസിച്ചു. പൂര്ണമായും പുതിയ രീതിയിലുള്ള സിനിമാ അവതരണമാണ് ചിതത്തിലേതെന്നും റിപ്പോര്ട്ടുകള് ചൂണ്ടിക്കാട്ടുന്നു. സിനിമ തിയറ്ററുകളില് ഉറച്ച വിജയമായിരിക്കുമെന്നാണ് സൂചന.
Hearing very good things after censor for #Thallumala. Fights 🔥🔥
The long wait for a Blockbuster at Kerala should end hopefully 🤞🤞@ttovino @kalyanipriyan pic.twitter.com/vSBQyutG4r
— ForumKeralam (@Forumkeralam2) August 1, 2022
ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ നിർമിച്ച് ഖാലിദ് റഹ്മാൻ സംവിധാനം ചെയ്യുന്ന തല്ലുമാല ഓഗസ്റ്റ് 12നാണ് തിയറ്ററുകളില് റിലീസ് ചെയ്യുന്നത്. ക്ലീന് യു.എ സര്ട്ടിഫിക്കറ്റ് ലഭിച്ച ചിത്രം 190 മിനുറ്റാണ് ദൈര്ഘ്യം. മുഹ്സിൻ പരാരിയും, അഷ്റഫ് ഹംസയും ചേർന്നാണ് ചിത്രത്തിന്റെ തിരക്കഥ ഒരുക്കുന്നത്. വിതരണം-സെൻട്രൽ പിക്ചേർസ്. ഷൈൻ ടോം ചാക്കോ, ജോണി ആന്റണി, ബിനു പപ്പു, ലുക്മാൻ അവറാൻ തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്.