കോട്ടയം: കായല്‍ കയ്യേറ്റ ആരോപണത്തില്‍ മുന്‍മന്ത്രി തോമസ് ചാണ്ടിക്കെതിരെ വിജിലന്‍സ് കേസെടുത്ത് അന്വേഷണം നടത്തും.
വിജിലന്‍സിന്റെ ശുപാര്‍ശകള്‍ കോട്ടയം വിജിലന്‍സ് കോടതി അംഗീകരിച്ചതിനെ തുടര്‍ന്നാണ് അന്വേഷണം നടത്താന്‍ തീരുമാനമായത്.
തോമസ് ചാണ്ടിക്കെതിരെ തണ്ണീര്‍ത്തടസംരക്ഷണ നിയമലംഘനം, ഗൂഢാലോചന എന്നീ കുറ്റങ്ങള്‍ ചുമത്തിയാണ് അന്വേഷണം നടത്തുക.
നേരത്തെ, മെത്രാന്‍ കായല്‍ കയ്യേറ്റ കേസില്‍ ജില്ലാ കളക്ടര്‍ക്കെതിരെ തോമസ് ചാണ്ടി ഹൈക്കോടതിയെ സമീപിച്ചിരുന്നു. റവന്യൂ രേഖകള്‍ നല്‍കാത്തതിനെതിരെയാണ് തോമസ് ചാണ്ടി ഹൈക്കോടതിയില്‍ ഹര്‍ജി നല്‍കിയത്.
