ഉത്തര്പ്രദേശ്: കോണ്ഗ്രസ് നേതാവ് രാഹുല് ഗാന്ധിക്കും പ്രിയങ്കാ ഗാന്ധിക്കുമെതിരെ കേസ്. ഹത്രാസില് കൂട്ട ബലാത്സംഗത്തിനിരയായ പെണ്കുട്ടിയുടെ വീട് സന്ദര്ശിക്കാനായി പോയ രാഹുലിനും പ്രിയങ്കയ്ക്കുമെതിരെ പകര്ച്ചവ്യാധി ആക്ട് പ്രകാരമാണ് കേസെടുത്തിരിക്കുന്നത്.
ഇന്നലെ ഹത്രാസ് പെണ്കുട്ടിയുടെ വീട്ടുകാരെ കാണാന് എത്തിയ രാഹുല് ഗാന്ധിയേയും പ്രിയങ്ക ഗാന്ധിയേയും ഡല്ഹി ഉത്തര്പ്രദേശ് അതിര്ത്തിയില് പൊലീസ് തടഞ്ഞിരുന്നു.
ഹത്രാസ് പെണ്കുട്ടി ബലാത്സംഗത്തിനിരയായിട്ടില്ലെന്നാണ് പൊലീസ് ഭാഷ്യം. ഇതിന് ഫോറന്സിക് തെളിവില്ല. മരണ കാരണം കഴുത്തിലേറ്റ ആഴത്തിലുള്ള മുറിവാണ്. ജാതി സംഘര്ഷമുണ്ടാക്കാനുള്ള ശ്രമമാണ് നടക്കുന്നതെന്നും പൊലീസ് പറഞ്ഞു. കുറ്റക്കാര്ക്കെതിരെ നിയമനടപടി സ്വീകരിക്കുമെന്ന് എഡിജിപി പറഞ്ഞു.