കൊച്ചി: കാലടി മണപ്പുറത്ത് മിന്നല് മുരളി ചിത്രത്തിനായി ഒരുക്കിയ ക്രിസ്ത്യന് പള്ളിയുടെ സെറ്റ് പൊളിച്ച സംഭവത്തില് പൊലീസ് കേസെടുത്തു. ക്രിസ്ത്യന് ദേവാലയത്തിന്റെ സെറ്റ് പൊളിച്ച അഖില ഹിന്ദു പരിഷത്തിന്റെ അഞ്ച് പ്രവര്ത്തകര്ക്കെതിരെയാണ് പെരുമ്പാവൂര് പൊലീസ് കേസെടുത്തിരിക്കുന്നത്.സംഭവത്തിനെതിരെ കടുത്ത പ്രതിഷേധമാണ് സിനിമാ രംഗത്തുനിന്ന് ഉയരുന്നത്.
ടൊവിനോ തോമസിനെ നായകനാക്കി ബേസില് ജോസഫ് സംവിധാനം ചെയ്യുന്ന ചിത്രമാണ് മിന്നല് മുരളി. ഇതിന്റെ ക്ലൈമാക്സ് ചിത്രീകരിക്കാനായിരുന്നു കാലടി മണപ്പുറത്ത് കഴിഞ്ഞ മാര്ച്ചില് ക്രിസ്ത്യന് ദേവാലയത്തിന്റെ സെറ്റ് ഇട്ടത്. എന്നാല് ലോക് ഡൗണ് മൂലം ചിത്രീകരണം നടത്താന് കഴിഞ്ഞിരുന്നില്ല.ഇതാണ് അഖില ഹിന്ദു പരിഷത്ത് പ്രവര്ത്തകരാണ് ഭാഗികമായി പൊളിച്ചുമാറ്റിയത്. ഇന്നലെ വൈകിട്ടായിരുന്നു സംഭവം.
എഎച്ച്പി ജനറല് സെക്രട്ടറി എന്ന് സ്വയം പരിചയപ്പെടുത്തുന്ന ഹരി പാലോടാണ് സെറ്റ് തകര്ത്ത കാര്യം ഫേസ്ബുക്കിലൂടെ പങ്കുവച്ചത്. മതവികാരം വ്രണപ്പെടുത്തുന്നു എന്നാരോപിച്ചാണ് ക്രിസ്ത്യന് പള്ളിയുടെ സെറ്റ് പൊളിച്ചതെന്നാണ് ഇയാള് അവകാശപ്പെടുന്നത്.
മണപ്പുറം മഹാശിവരാത്രി ആഘോഷ സമിതിയുടെ അനുമതിയോടെയായിരുന്നു സിനിമാ സംഘം സെറ്റ് ഇട്ടത്. സെറ്റ് പൊളിച്ചത് നിര്ഭാഗ്യകരമെന്ന് ക്ഷേത്ര സമിതിയും വ്യക്തമാക്കിയിട്ടുണ്ട്.
സംഭവത്തില് നിര്മ്മാതാക്കള്ക്ക് വേണ്ടി പ്രൊഡ്യൂസേഴ്സ് അസോസിയേഷന് ഭാരവാഹികള് ആലുവ റൂറല് എസ്പി കെ കാര്ത്തിക്കിന് പരാതി നല്കി. നിയമ നടപടികളുമായി മുന്നോട്ടുപോകുമെന്ന് സിനിമയുടെ നിര്മ്മാതാവ് സോഫിയ പോളും നായകന് ടൊവിനോ തോമസും വ്യക്തമാക്കി. കുറ്റക്കാര്ക്കെതിരെ ശക്തമായ നടപടി വേണമെന്ന് ഫെഫ്കയും ആവശ്യപ്പെട്ടു.