ആലപ്പുഴ: ചേർത്തലയിൽ അനധികൃതമായി കടത്തുകയായിരുന്ന 19 കിലോഗ്രാം കഞ്ചാവ് പിടികൂടി. കഞ്ചാവ് കടത്താൻ ശ്രമിച്ച ഒരാളെ എക്സൈസ് അറസ്റ്റ് ചെയ്തു. സംസ്ഥാനത്ത് ലഹരിമരുന്നിന്റെ വിപണനവും ഉപയോഗവും വ്യാപിച്ചതിന്റെ സാഹചര്യത്തിൽ ക്രിസ്മസ്-ന്യൂയർ സ്പെഷ്യൽ ഡ്രൈവിൽ ജില്ലയിൽ എക്സൈസ് പരിശോധന ശക്തമാക്കിയിരുന്നു.
എരമല്ലൂർ മിഥില ബാറിനു സമീപം വെച്ചാണ് 19 കിലോഗ്രാം കഞ്ചാവ് കൈവശം സൂക്ഷിച്ച് കടത്തിക്കൊണ്ട് വന്ന കുറ്റത്തിന് ചേർത്തല പാണാവള്ളി സ്വദേശി സജീനെയാണ് എൻ ഡി പി എസ് ആക്ട് പ്രകാരം പ്രതിയാക്കി പൊലീസ് അറസ്റ്റ് ചെയ്തത്.
