ദില്ലി: നയതന്ത്ര തര്ക്കത്തില് കടുത്ത നടപടികളിലേക്ക് കടന്ന് കാനഡ. ഇന്ത്യയിലെ മൂന്ന് കോണ്സുലേറ്റുകളിലെ വിസ സര്വീസ് കാനഡ നിര്ത്തി. ചണ്ഡീഗഢ്, ബംഗളൂരു, മുംബൈ എന്നിവിടങ്ങളിലെ സര്വീസാണ് നിര്ത്തിയത്. ഇതിന് പുറമെ 41 നയതന്ത്ര ഉദ്യോഗസ്ഥരെയും കാനഡ പിന്വലിച്ചു. നേരത്തെ ഈ ആവശ്യം ഇന്ത്യ ഇന്നയിച്ചതാണ്. ഇന്ത്യയുടെ നിര്ദ്ദേശ പ്രകാരമാണ് ഉദ്യോഗസ്ഥരെ പിന്വലിച്ചതെന്ന് വിശദീകരിച്ച കാന ഇന്ത്യയുടെ നടപടി നയതന്ത്ര ചട്ടങ്ങളുടെ ലംഘനമാണെന്നും കുറ്റപ്പെടുത്തി. അതിനിടെ കാനഡ പുറത്താക്കിയ ഇന്ത്യന് നയതന്ത്ര ഉദ്യോഗസ്ഥന് ദില്ലിയില് മടങ്ങിയെത്തി.
അതേസമയം ഇന്ത്യയുടെ നടപടി നയതന്ത്ര ചട്ടങ്ങളുടെ ലംഘനമാണെന്ന് വിദേശകാര്യ മന്ത്രി മെലെയ്ന് ജോളി പ്രതികരിച്ചു. എന്നാല് കാനഡ തിരിച്ച് അത്തരത്തില് പെരുമാറില്ലെന്നും നയതന്ത്ര ബന്ധം സംബന്ധിച്ച അന്താരാഷ്ട്ര നിയമങ്ങള് പിന്തുടരുമെന്നും മെലെയ്ന് ജോളി പ്രതികരിച്ചു. കാനഡ പുറത്താക്കിയ ഇന്ത്യന് ഉദ്യോഗസ്ഥന് ദില്ലിയില് മടങ്ങിയെത്തി.
ഖാലിസ്ഥാന് അനുകൂലിയുടെ കൊലപാതകം സംബന്ധിച്ച അന്വേഷണത്തില് സഹകരിക്കണമെന്ന് കാനഡ ഇന്ത്യയോട് ആവശ്യപ്പെട്ടിരുന്നു. എന്നാല് ഇന്ത്യ കാനഡയുടെ ആരോപണങ്ങള് തള്ളി. സംഭവവുമായി ബന്ധപ്പെട്ട് കാനഡ ഒരു ഇന്ത്യന് നയതന്ത്രജ്ഞനെ പുറത്താക്കുകയും ചെയ്തു.