ലോസ്‌ആഞ്ചലസ്: കാലിഫോര്‍ണിയയില്‍ വിമുക്തസൈനികര്‍ക്കു വേണ്ടിയുള്ള സ്ഥാപനത്തില്‍ സേവനം അനുഷ്ഠിച്ചിരുന്ന മനോരോഗ വിദഗ്ധ ഉള്‍പ്പെടെ മൂന്നു വനിതകളെ വിമുക്തഭടന്‍ വെടിവച്ചുകൊന്നു. അക്രമി പിന്നീടു ജീവനൊടുക്കി.
അഫ്ഗാനിസ്ഥാനില്‍ സേവനം അനുഷ്ഠിച്ചിട്ടുള്ള 36കാരനായ വിമുക്തഭടനാണ് അക്രമിയെന്നു സാന്‍ഫ്രാന്‍സിസ്കോ ക്രോണിക്കിള്‍ റിപ്പോര്‍ട്ട് ചെയ്തു.
നാപാ താഴ്വരയിലെ പാത്ഹോമില്‍ യാത്രയയപ്പു സമ്മേളനം നടക്കുന്ന സ്ഥലത്തെത്തിയ അക്രമി തോക്കുചൂണ്ടി മൂന്നു പേരെ ബന്ദികളാക്കുകയായിരുന്നു.
ഹാളിലുണ്ടായിരുന്ന മറ്റുള്ളവര്‍ രക്ഷപ്പെട്ടു. പോലീസ് എത്തിയപ്പോള്‍ മൂന്നു ബന്ദികളുടെയും അക്രമിയുടെയും മൃതദേഹങ്ങളാണു കണ്ടത്.
