ന്യൂഡല്ഹി : മുത്തലാഖ് വിഷയത്തില് വീണ്ടും ഓഡിനന്സ് ഇറക്കാന് കേന്ദ്രസര്ക്കാര് തീരുമാനം. കേന്ദ്രമന്ത്രിസഭ യോഗത്തിന്റേതാണ് തീരുമാനം. നേരത്തെ ഓഡിനന്സിന് പകരമായി ബില്ല് സര്ക്കാര് പാര്ലമെന്റില് അവതരിപ്പിച്ചിരുന്നു. എന്നാല് ലോക്സഭയില് പാസായ ബില്ല് രാജ്യസഭയില് പാസായിരുന്നില്ല.
മുസ്ലീം സ്ത്രീകളെ മൂന്ന് തവണ തലാഖ് ചൊല്ലി വിവാഹമോചനം നേടുന്ന രീതി സുപ്രീംകോടതി നേരത്തെ റദ്ദാക്കിയിരുന്നു. ഇതിന് ശേഷമാണ് മുത്തലാഖ് ക്രിമിനല്കുറ്റം ആക്കുന്ന തരത്തില് കേന്ദ്രം നിയമം കൊണ്ടുവരാന് ശ്രമിക്കുന്നത്.
നേരത്തെ മുത്തലാഖ് ബില്ല് രാജ്യസഭ പാസാക്കിയില്ലെങ്കില് വീണ്ടും ഓര്ഡിനന്സ് കൊണ്ടു വരുമെന്ന് പാര്ലമെന്ററികാര്യ സഹമന്ത്രി വിജയ് ഗോയല് പറഞ്ഞിരുന്നു. രാജ്യസഭ വീണ്ടും ബില്ല് പരിഗണിക്കാനിരിക്കെയാണ് അന്ന് മന്ത്രി സര്ക്കാര് നിലപാട് വ്യക്തമാക്കിയത്.