ന്യൂഡൽഹി: എയർടെൽ , വോഡഫോൺ, ഐഡിയ മൊബൈൽ കമ്പനികൾ ഡിസംബർ ഒന്ന് മുതൽ മൊബൈൽ നിരക്കുകൾ വർദ്ധിപ്പിക്കും. ഡാറ്റായ്ക്കും കോളിനും നിരക്ക് കൂട്ടുമെന്നാണു ലഭിക്കുന്ന സൂചന.
എയർടെൽ , വോഡഫോൺ, ഐഡിയ എന്നീ ടെലികോം കമ്പനികൾ വലിയ നഷ്ടത്തിൽ ആയതിനെ തുടർന്നാണ് കോളുകളുടേയും ഇന്റർ നെറ്റിന്റേയും നിരക്ക് വർദ്ധിപ്പിക്കുന്നത്.
വരുമാനനിർണയം സംബന്ധിച്ച സുപ്രീംകോടതി വിധിയെത്തുടർന്നു സെപ്റ്റംബറിലവസാനിച്ച ത്രൈമാസത്തിൽ വോഡഫോൺ ഐഡിയ 50,922 കോടി രൂപയുടെ നഷ്ടം രേഖപ്പെടുത്തിയിരുന്നു. ഭാരതി എയർടെലിന് 23,045 കോടി രൂപയായിരുന്നു നഷ്ടം.