റബ്ബർ വിപണിയിൽ നേരിയ മുന്നേറ്റം. റബ്ബർ വില ഉയർന്നതോടെ തോട്ടം മേഖലയിൽ നേരിയ ഉണർവാണുള്ളത്. ഇത് കർഷകർക്ക് വലിയ ആശ്വാസമാണ് നൽകുന്നത്. റബർ വിപണി കൂടാതെ നാളികേര ഉൽപങ്ങളുടെ വിലയിലും മുന്നേറ്റ സാധ്യതയാണുള്ളത്.
റബർ മാർക്കറ്റിലെ ഉണർവ് ഉൽപാദന മേഖലയ്ക്ക് ആവേശമാവുകയും ചെയ്തു. കേരളത്തിൽ ഗ്രേഡ് റബറിന് 13000 രൂപവരെയാണ് ഉയർന്നത്. വിദേശ വില ഉയർന്നതോടെ ആഭ്യന്തരവിപണിയെ ആശ്രയിക്കുകയാണ് വ്യവസായികൾ. ഇപ്പോഴത്തെ വിലക്കയറ്റം ടാപ്പിങ് ഊർജിതമാക്കുമെന്ന ആശ്വാസത്തിലാണ് ടയർ ലോബി.