മുംബൈ: ഈ വർഷം ഇന്ത്യയുടെ സാമ്പത്തിക (ജിഡിപി) വളർച്ച 4.9 ശതമാനം ആയി കുറയും. നാഷണൽ കൗൺസിൽ ഓഫ് അപ്ലൈഡ് ഇക്കണോമിക് റിസർച്ച് (എൻസിഎഇആർ) നൽകുന്ന റിപ്പോർട്ടിലാണ് ഇത് സൂചിപ്പിക്കുന്നത്.
വളർച്ച സംബന്ധിച്ച വിവിധ ഏജൻസികളുടെ പ്രവചനങ്ങളിൽ ഏറ്റവും താണ നിരക്കാണിത്. ജൂലൈ-സെപ്റ്റംബർ ത്രൈമാസത്തെ സാമ്പത്തിക മൂല്യവർദ്ധന (ജിവിഎ) 4.9 ശതമാനം ആയിരിക്കുമെന്നും കൗൺസിൽ പ്രവചിച്ചിരുന്നു.
നാഷണൽ ഇൻസ്റ്റിറ്റ്യൂട്ട് ഓഫ് പബ്ലിക് ഫിനാൻസ് ആൻഡ് പോളിസിയുമായി സഹകരിച്ചാണ് കൗൺസിൽ പ്രവചനം നടത്തുന്നത്.
