ഹോണ്ട മോട്ടോര്‍സൈക്കിള്‍ ആന്റ് സ്‌കൂട്ടര്‍ വലിയ പ്രീമിയം ബൈക്കുകള്‍ക്കായി തിരുവനന്തപുരത്ത് പുതിയ ബിഗ്വിങ് ഷോറൂം ആരംഭിച്ചു. പാപ്പനംകോട് കൈമനത്ത് സര്‍ക്കാര്‍ വനിത പോളിടെക്ക്‌നിക്കിന് എതിര്‍വശത്താണ് പുതിയ ഷോറൂം.
കഴിഞ്ഞ സെപ്തംബറിലാണ് കമ്പനി ഹൈനസ് സിബി350മായി ഇടത്തരം മോട്ടോര്‍സൈക്കിള്‍ വിഭാഗത്തിലേക്ക് പ്രവേശിക്കുന്നത്. ഇടത്തരം മോട്ടോര്‍സൈക്കിള്‍ റൈഡര്‍മാര്‍ക്ക് ആവേശമായിട്ടുണ്ടെന്നും മികച്ച സ്വീകരണമാണ് പ്രാഥമികമായി ലഭിക്കുന്നതെന്നും കമ്പനി അറിയിച്ചു.
ഗുര്‍ഗാവില്‍ ബിഗ്വിങ് ഷോറൂം തുറന്നുകൊണ്ടാണ് ഹോണ്ട ടൂവീലേഴ്‌സ് പ്രീമിയം മോട്ടോര്‍ സൈക്കിള്‍ ബിസിനസിലേക്ക് പ്രവേശിച്ചത്. ഈ സാമ്പത്തിക വര്‍ഷം അവസാനിക്കുമ്പോള്‍ രാജ്യത്ത് 50 ബിഗ്വിങ് ഔട്ട്‌ലെറ്റുകളാക്കും എന്നതാണ് കമ്പനി ലക്ഷ്യമിടുന്നത്. വലിയ മെട്രോകളിലെ ബിഗ്വിങ് ഷോറൂമുകളാണ് ഹോണ്ടയുടെ പ്രീമിയം മോട്ടോര്‍സൈക്കിള്‍ റീട്ടെയിലിനെ നയിക്കുന്നത്.
ഹോണ്ട പ്രീമിയം മോട്ടോര്‍സൈക്കിള്‍ ശ്രേണിയിലെ ഉല്‍പ്പന്നങ്ങളെല്ലാം ബിഗ്വിങിലുണ്ടാകും. ഏറ്റവും പുതിയ ഹൈനെസ് സിബി350, 2020ലെ സിബിആര്‍1000ആര്‍ആര്‍-ആര്‍, സിബിആര്‍1000ആര്‍ആര്‍-ആര്‍ ഫയര്‍ബ്ലേഡ് എസ്പി,ആഫ്രിക്ക ട്വിന്‍ തുടങ്ങിയവയെല്ലാം ഹോണ്ട ആരാധകരെ ഷോറൂമില്‍ ആവേശം കൊള്ളിക്കുമെന്നും പ്രതീക്ഷിക്കുന്നു.
പ്രദര്‍ശിപ്പിച്ചിട്ടുള്ള വാഹനങ്ങളുടെ മുഴുവന്‍ ഭംഗിയും പ്രതിഫലിക്കത്തക്ക രീതിയിലാണ് ബിഗ് വിങ് ഷോക്കേസുകള്‍ ഒരുക്കിയിട്ടുള്ളത്. ഉല്‍പ്പന്നങ്ങളും അനുബന്ധ കാര്യങ്ങളും സംബന്ധിച്ചുമുള്ള ഉപഭോക്താവിന്റെ സംശയങ്ങള്‍ക്ക് പരിശീലനം ലഭിച്ചിട്ടുള്ള പ്രൊഫഷണലുകളുടെ സഹായമുണ്ടാകുമെന്നും കമ്പനി അറിയിച്ചു.
