ബിഎസ്എന്‍എല്‍ രാജ്യത്തെ ബ്രോഡ്ബാന്‍ഡ് പ്ലാനുകള്‍ പരിഷ്‌കരിച്ചു. പുതിയ പരിഷ്‌കരണത്തിലൂടെ ഏഴോളം പ്ലാനുകളുടെ വില വര്‍ധിപ്പിച്ചു. പ്ലാനുകള്‍ക്ക് 30 രൂപ വരെയാണ് ബിഎസ്എന്‍എല്‍ വര്‍ധിപ്പിച്ചിരിക്കുന്നത്. പുതുക്കിയ പ്ലാനുകള്‍ ഒന്നാം തിയ്യതി മുതല്‍ എല്ലാ സര്‍ക്കിളുകളിലും പ്രാബല്യത്തില്‍ വന്നു.
ഈ വില വര്‍ധനയോടെ നേരത്തെ 349 രൂപയ്ക്ക് ലഭ്യമായിരുന്ന 2 ജിബി ബിഎസ്എന്‍എല്‍ സിയുഎല്‍ പ്ലാന്‍ ഇനി മുതല്‍ 369 രൂപയ്ക്ക് ലഭ്യമാകും. ഈ പ്ലാന്‍ 8Mbps വേഗതയില്‍ 2GB ഡാറ്റയാണ് നല്‍കിയിരുന്നത്. ഇതിനൊപ്പം ബിഎസ്എന്‍എല്‍ നെറ്റ്വര്‍ക്കിലേക്ക് അണ്‍ലിമിറ്റഡ് കോളിംഗ്, മറ്റ് നെറ്റ്വര്‍ക്കുകളിലേക്ക് വിളിക്കാന്‍ 600 രൂപ ടോക്ക് ടൈമും ലഭിക്കും. രാത്രി 10:30നും 6നും ഇടയില്‍ സൗജന്യ കോളുകളും ബിഎസ്എന്‍എല്‍ നല്‍കുന്നുണ്ട്.
രണ്ടാമത്തെ പ്ലാന്‍ 399 രൂപയുടെ പ്ലാനാണ്. ഇനി മുതല്‍ ഈ പ്ലാനിനായി 419 രൂപ മുടക്കേണ്ടി വരും. ഈ പ്ലാനിലൂടെ 2 ജിബി അതിവേഗ ഡാറ്റയും എല്ലാ നെറ്റ്വര്‍ക്കുകളിലും അണ്‍ലിമിറ്റഡ് കോളിംഗും നല്‍കുന്നു. ഇതിനൊപ്പം തന്നെ 3 ജിബി സിയുഎല്‍ പ്ലാനും ബിഎസ്എന്‍എല്‍ പുതുക്കിയിട്ടുണ്ട്. ഈ പ്ലാനിന് 499 രൂപയാണ് വിലയുണ്ടായിരുന്നത്. ഇപ്പോള്‍ ഈ പ്ലാനിന് 519 രൂപയാണ് വില. ഈ പ്ലാന്‍ 3 ജിബി ഡാറ്റയും അണ്‍ലിമിറ്റഡ് കോളിങുമാണ് നല്‍കുന്നത്.
മറ്റൊരു ശ്രദ്ധേയമായ പ്ലാന്‍ 629 രൂപയുടെ പ്ലാനാണ്. ഈ പ്ലാനിലൂടെ ഉപയോക്താക്കള്‍ക്ക് 10 എംബിപിഎസ് വേഗതയിലുള്ള ഇന്റര്‍നെറ്റാണ് ലഭിക്കുന്നത്. 4 ജിബി ഡാറ്റയും അണ്‍ലിമിറ്റഡ് കോളിംഗും ഈ പ്ലാനിലൂടെ ലഭിക്കുന്നു. ഈ പ്ലാന്‍ 4ജിബി സിയുഎല്‍ പ്ലാന്‍ എന്നണ് അറിയപ്പെടുന്നത്.
മറ്റൊരു പ്ലാന്‍ 729 രൂപ വിലയുള്ള പ്ലാനാണ്. 10 ജിബിപിഎസ് സ്പീഡും 125 ജിബി ഡാറ്റയും അണ്‍ലിമിറ്റഡ് വോയ്സ് കോളുകളുമാണ് ഈ പ്ലാനിലൂടെ ലഭിക്കുന്നത്. ബിഎസ്എന്‍എല്‍ പുതുക്കിയ മറ്റൊരു പ്ലാന്‍ 779 രൂപയുടെ പ്ലാനാണ്. ഈ പ്ലാനിലൂടെ ഹോട്ട്സ്റ്റാര്‍ സബ്‌സ്‌ക്രിപ്ഷന്‍, 10 എംബിപിഎസ് വേഗത, 300 ജിബി ഡാറ്റ, അണ്‍ലിമിറ്റഡ് കോളിംഗ് എന്നീ ആനുകൂല്യങ്ങളാണ് ലഭിക്കുന്നത്. ഈ പ്ലാന്‍ നേരത്തെ 749 രൂപയ്ക്കാണ് ലഭിച്ചിരുന്നത്.
മറ്റൊരു പ്ലാന്‍ 1,029 രൂപ വിലയുള്ള പ്ലാനാണ്. ഇതിലൂടെ പ്രതിദിനം 15 ജിബി അതിവേഗ ഡാറ്റയാണ് ലഭിക്കുന്നത്. ഈ പ്ലാനിന് 15 ജിബി സിയുഎല്‍ പ്ലാന്‍ എന്നാണ് പേര്.
