ലണ്ടന്‍: ബ്രിട്ടനില്‍ ഇന്ത്യന്‍ വംശജയായ യുവതിയെ കഴുത്തു ഞെരിച്ച് കൊലപ്പെടുത്തിയ സംഭവത്തില്‍ ഭര്‍ത്താവ് അറസ്റ്റില്‍. ബിസിനസുകാരനായ ഗുര്‍പ്രീത് സിംഗ് (42) ആണ് അറസ്റ്റിലായത്. മധ്യ ഇംഗ്ലണ്ടിലെ വോള്‍വര്‍ഹാംപ്ടണില്‍ താമസക്കാരിയായ സര്‍ബ്ജിത് കൗറിനെ (38) കൊലപ്പെടുത്തിയ കേസില്‍ വെസ്റ്റ് മിഡ്‌ലാന്‍ഡ് പൊലീസാണ് ഗുര്‍പ്രീതിനെ അറസ്റ്റ് ചെയ്തത്.
A man has been charged with the murder of his wife after she was found dead at their home in Wolverhampton back in February.
Gurpreet Singh, aged 42 from Coalway Avenue, Penn, was charged tonight by detectives with the murder of 38-year-old Sarbjit Kaur: https://t.co/ZiS9ODfNVO pic.twitter.com/MwWdytuQe0— Wolverhampton Police (@wolvespolice) May 9, 2018
കഴിഞ്ഞ ഫെബ്രുവരി 16ന് ആണ് സര്‍ബ്ജിതിനെ മരിച്ച നിലയില്‍ കണ്ടെത്തിയത്. കഴുത്തുഞെരിച്ചാണ് കൊലപാതകമെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ കണ്ടെത്തിയിരുന്നു. ഗുര്‍പ്രീതും മക്കളും അന്നു വൈകുന്നേരം വീട്ടില്‍ തിരിച്ചെത്തുമ്പോഴാണ് സര്‍ബ്ജിതിനെ മരിച്ച നിലയില്‍ കണ്ടതെന്നായിരുന്നു മൊഴി.
കവര്‍ച്ചയ്ക്കിടെയാണ് സര്‍ബ്ജിത് കൊല്ലപ്പെട്ടതെന്നു വരുത്തി തീര്‍ക്കാന്‍ വീട്ടില്‍ നിന്നും വിലപിടിപ്പുള്ള സാധനങ്ങള്‍ മാറ്റിയിരുന്നു. എന്നാല്‍ പൊലീസ് അന്വേഷണത്തില്‍ ഗുര്‍പ്രീത് കുടുങ്ങുകയായിരുന്നു. കഴിഞ്ഞ ഫെബ്രുവരി 16 നാണ് സര്‍ബ്ജിതിനെ ജീവനോടെ അവസാനമായി കാണുന്നത്. ഗുര്‍പ്രീതാണ് ഇവരെ അവസാനമായി കണ്ടതെന്നു പൊലീസില്‍ മൊഴി നല്‍കിയിരുന്നു.
