കൊച്ചി: കൈക്കൂലിക്കേസിൽ റിട്ട. കസ്റ്റംസ് ഡെപ്യൂട്ടി കമ്മീഷണര്‍ അടക്കം മൂന്നുപേർക്ക് കോടതി തടവുശിക്ഷ വിധിച്ചു. എറണാകുളം പ്രത്യേക സിബിഐ കോടതിയാണ് ശിക്ഷ വിധിച്ചത്.
നെടുമ്പാശേരി വിമാനത്താവളം എയര്‍ കാര്‍ഗോ കോംപ്ലക്‌സിലെ കസ്റ്റംസ് ഡെപ്യൂട്ടി കമ്മീഷണറായിരുന്ന കെ.എസ്.ചന്ദ്രശേഖർ, വില്ലിംഗ്ടണ്‍ ഐലൻഡിലെ മാര്‍സ് കാര്‍ഗോ ഏജന്‍സിയുടെ പാര്‍ട്ണര്‍മാരായ രാജു മാത്യു, ജോര്‍ജ് ബാസ്റ്റന്‍ എന്നിവർക്കെതിരെയാണ് കോടതി ശിക്ഷ വിധിച്ചത്.
ചന്ദ്രശേഖറിനെ ഒരു വര്‍ഷം കഠിന തടവിനും 60 ലക്ഷം രൂപ പിഴയ്ക്കും മറ്റു രണ്ട് പ്രതികളെ രണ്ടു വര്‍ഷം കഠിന തടവിനും 30 ലക്ഷം രൂപ വീതം പിഴ അടയ്ക്കാനുമാണ് സിബിഐ കോടതി ജഡ്ജി ബി.കലാം പാഷ ശിക്ഷിച്ചത്.
