ലണ്ടന്: ബ്രക്സിറ്റ് സംബന്ധിച്ച ചര്ച്ചകള്ക്കായി വിളിച്ചു ചേര്ത്ത അടിയന്തിര യോഗം ബ്രിട്ടീഷ് പ്രധാനമന്ത്രി തെരേസ മേ റദ്ദാക്കി. സ്വന്തം മന്ത്രിസഭയില് നിന്ന് തന്നെ എതിര്പ്പുകള് ശക്തമായതിനേത്തുടര്ന്നാണ് യോഗം റദ്ദാക്കിയതെന്നാണ് റിപ്പോര്ട്ടുകള്. ദി ഇന്ഡിപെന്ഡന്റ് ആണ് ഇത് സംബന്ധിച്ച വിവരം പുറത്ത് വിട്ടത്.
അതേസമയം യുറോപ്യന് യൂണിയനില് നിന്ന് പുറത്ത് പോകാനുള്ള ബ്രിട്ടന്റെ തീരുമാനത്തില് പ്രതിഷേധിച്ച് ഗതാഗതമന്ത്രി ജോ ജോണ്സണ് രാജിവച്ചിരുന്നു. 2016ല് നടന്ന ഹിതപരിശോധനയില് യൂറോപ്യന് യൂണിയനില് ബ്രിട്ടന് തുടരണമെന്ന് ജോണ്സണ് വാദിച്ചിരുന്നു. സമാന ആവശ്യം ഉയര്ത്തി ജോണ്സണിന്റെ സഹോദരനും മുന് വിദേശകാര്യ സെക്രട്ടറിയുമായിരുന്നു ബോറിസും തന്റെ പദം രാജിവെച്ചിരുന്നു.