തിരുവനന്തപുരം: ബ്രൂവറികള്‍ റദ്ദാക്കിയത് രാഷ്ട്രീയ വിമര്‍ശനങ്ങള്‍ നേരിടാനെന്ന് സര്‍ക്കാര്‍ രേഖ. മുഖ്യമന്ത്രി പറഞ്ഞ രാഷ്ട്രീയ ന്യായീകരണം അതേ പടി ഉത്തരവില്‍ ചേര്‍ത്തു. പ്രളയ പുനര്‍നിര്‍മ്മാണത്തിനിടെ ഉയര്‍ന്ന വിവാദങ്ങള്‍ തടയാനാണെന്നും നടപടികളില്‍ ഒരു വീഴ്ചയും ഉണ്ടായിട്ടില്ലെന്നും വിചിത്ര ഉത്തരവില്‍ ന്യായീകരിക്കുന്നു.
ചട്ടങ്ങളും നിയമങ്ങളും പരിശോധിച്ചാണ് ബ്രുവറിക്ക് അനുമതി നല്‍കിയതെന്നാണ് ഉത്തരവില്‍ വ്യക്തമാക്കുന്നത്. ബ്രുവറി അനുമതിക്ക് മാനദണ്ഡം നിശ്ചയിക്കാന്‍ പുതിയ സമിതിയെ നിശ്ചയിച്ചതായും ഈ മാസം 31-നകം റിപ്പോര്‍ട്ട് സമര്‍പ്പിക്കാന്‍ സമിതിക്ക് നിര്‍ദേശം നല്‍കിയിട്ടുണ്ടെന്നും ഉത്തരവില്‍ വ്യക്തമാക്കിയിട്ടുണ്ട്.
