കോട്ടയം: കോട്ടയത്തെ കൂട്ടുകെട്ട് എല്ഡിഎഫിലേക്കെന്ന വ്യാഖ്യാനം വേണ്ടെന്ന് കേരള കോണ്ഗ്രസ് എം ഗ്രൂപ്പ് നേതാവ് കെ എം മാണി.
കോട്ടയം ജില്ലാ പഞ്ചായത്തിൽ ഉണ്ടായത് പ്രാദേശിക വിഷയം മാത്രമാണ്. ആരും ഭിന്നതയുണ്ടാക്കാമെന്ന് കരുതേണ്ടെന്നും മാണി പറഞ്ഞു.
കേരളാ കോണ്ഗ്രസ് പാർലമെന്ററി പാർട്ടി യോഗത്തിനു ശേഷം മാധ്യമങ്ങളോട് സംസാരിക്കുകയായിരുന്നു മാണി.
ഒരു മുന്നണി ബന്ധത്തിന്റെയും സൂചനയല്ല. മുന്നണി ബന്ധം സംബന്ധിച്ച് യുക്തമായ സമയത്ത് യുക്തമായ തീരുമാനം കൈക്കൊള്ളും. നിലവിൽ സ്വതന്ത്രമായ നിലപാടാണ് പാർട്ടി സ്വീകരിക്കുന്നതെന്നും കെ.എം മാണി കൂട്ടിച്ചേർത്തു.
അതേസമയം കെ എം മാണിയുടെ വിശദീകരണം തൃപ്തികരമെന്ന് പി ജെ ജോസഫ് അറിയിച്ചു.
എല്ഡിഎഫിലേക്കല്ലെന്ന നിലപാട് സ്വീകരിക്കുന്നു. കോട്ടയത്തെ കൂട്ടുകെട്ട് നിർഭാഗ്യകരമെന്ന് അറിയിച്ചിട്ടുണ്ടെന്നും പി ജെ ജോസഫ് വ്യക്തമാക്കി.