സാവോപോളോ: ബ്രസീലില് സാവോപോളോയിലെ സ്കൂളില് ഉണ്ടായ വെടിവെയ്പില് അഞ്ച് കുട്ടികള് ഉള്പ്പെടെ 9 പേര് കൊല്ലപ്പെട്ടു. സാവോപോളോയിലെ റോള് ബ്രസില് സ്കൂളിലാണ് വെടിവെയ്പ്പുണ്ടായത്. കൃത്യത്തിന് ശേഷം അക്രമികള് സ്വയം വെടിയുതിര്ത്ത് മരിച്ചതായും പൊലീസ് അറിയിച്ചു. കേസില് അന്വേഷണം പുരോഗമിക്കുന്നതായി ഉദ്യോഗസ്ഥര് അറിയിച്ചു.
മൂഖം മൂടി ധരിച്ചെത്തിയ അക്രമികള് കുട്ടികള്ക്കും അധ്യാപകര്ക്കും നേരെ വെടിയുതിര്ത്തുകയായിരുന്നു. ഇടവേള ആയതിനാല് കുട്ടികള് ക്ലാസിന് വെളിയിലായിരുന്നു. വെടിവെയ്പില് അഞ്ച് കുട്ടികള് ഉള്പ്പെടെ ഒമ്പത് പേരാണ് മരിച്ചത്. 10 ഓളം പേര്ക്ക് പരിക്കേറ്റു . ബ്രസീലില് വെടിവെയ്പുകള് സാധാരണയായി ഉണ്ടാകാറുള്ളതാണ്.എന്നാല് ഇത്തരത്തില് സ്കൂളുകള്ക്ക് നേരെയുള്ള അക്രമണങ്ങള് അപൂര്വമാണെന്നും പൊലീസ് അറിയിച്ചു.