സണ്‍റൈസേഴ്‌സ് ഹൈദരാബാദിനെതിരെ ബൗളിങ് തെരഞ്ഞെടുത്ത് റോയല്‍ ചലഞ്ചേഴ്‌സ് ബാംഗ്ലൂര്‍. ഇന്ന് സണ്‍റൈസേഴ്‌സിന്റെ ഹോം ഗ്രൗണ്ടില്‍ ഹൈദരാബാദ് മൂന്നാം മത്സരത്തിനിറങ്ങുമ്പോള്‍ ആദ്യ ജയം തേടിയാണ് ബാംഗ്ലൂര്‍ എത്തുന്നത്. കെയിന്‍ വില്യംസണ് പകരം ഭുവനേശ്വര്‍ കുമാറാണ് സണ്‍റൈസേഴ്‌സിനെ നയിക്കുന്നത്.
രണ്ട് മാറ്റങ്ങളാണ് ടീമില്‍ പ്രധാനമായും ഉള്ളത്. ദീപക് ഹൂഡയും മുഹമ്മദ് നബിയും ടീമിലേക്ക് എത്തുമ്പോള്‍ കെയിന്‍ വില്യംസണും ഷാഹ്ബാസ് നദീമും പുറത്ത് പോകുന്നു. റോയല്‍ ചലഞ്ചേഴ്‌സിനു വേണ്ടി പ്രയാസ് ബര്‍മ്മന്‍ തന്റെ ഐപിഎല്‍ അരങ്ങേറ്റം ഇന്നത്തെ മത്സരത്തിന്‍ നടത്തുന്നു. നവ്ദീപ് സൈനിയ്ക്ക് പകരമാണ് താരം ടീമിലേക്ക് എത്തുന്നത്.
സണ്‍റൈസേഴ്‌സ് ഹൈദരാബാദ്: ഡേവിഡ് വാര്‍ണര്‍, ജോണി ബൈര്‍‌സ്റ്റോ, മനീഷ് പാണ്ടേ, ദീപക് ഹൂഡ, വിജയ് ശങ്കര്‍, യൂസഫ് പത്താന്‍, റഷീദ് ഖാന്‍, ഭുവനേശ്വര്‍ കുമാര്‍, മുഹമ്മദ് നബി, സന്ദീപ് ശര്‍മ്മ, സിദ്ധാര്‍ത്ഥ് കൗള്‍
റോയല്‍ ചലഞ്ചേഴ്‌സ് ബാംഗ്ലൂര്‍: പാര്‍ത്ഥിവ് പട്ടേല്‍, വിരാട് കോഹ്!ലി, മോയിന്‍ അലി, എബി ഡി വില്ലിയേഴ്‌സ്, ഷിമ്രണ്‍ ഹെറ്റ്മ്യര്‍, ശിവം ഡൂബേ, കോളിന്‍ ഡി ഗ്രാന്‍ഡോം, പ്രയാസ് ബര്‍മ്മന്‍, ഉമേഷ് യാദവ്, യൂസുവേന്ദ്ര ചഹാല്‍, മുഹമ്മദ് സിറാജ്
