മുംബൈ: ബുക്ക് മൈ ഷോയിലൂടെ സെക്കൻഡിൽ വിറ്റഴിഞ്ഞത് 12 ബാഹുബലി 2 കണ്ക്ലൂഷൻ ടിക്കറ്റുകൾ. ബുക്ക് മൈ ഷോ തന്നെയാണ് ഇതു സംബന്ധിച്ച റിപ്പോർട്ട് പുറത്തുവിട്ടത്.
റിലീസിന് തൊട്ടുമുന്പുള്ള ദിവസത്തെ കണക്കുകളാണ് ഇത്. രാജമൗലിയുടെ സ്വപ്ന പദ്ധതിയുടെ 33 ലക്ഷം ടിക്കറ്റുകൾ ഇന്ത്യയിൽ ബുക്ക് മൈ ഷോയിലുടെ മാത്രം വിറ്റഴിഞ്ഞെന്നും റിപ്പോർട്ടിൽ പറയുന്നു.
ഇന്ത്യയിൽ 6000 തിയറ്ററുകളിലാണ് ബാഹുബലി രണ്ടാം ഭാഗം റിലീസ് ചെയ്തത്. മുൻകൂർ ബുക്കിംഗ് പരിഗണിക്കുന്പോൾ ബാഹുബലി ഒന്നാം ഭാഗത്തെ അപേക്ഷിച്ച് 350 ശതമാനത്തിന്റെ വർധനവാണ് രണ്ടാം ഭാഗത്തിന്റെ ബുക്കിംഗിൽ സംഭവിച്ചിരിക്കുന്നത്.