ഡ്രൈവിംഗ് പ്രേമികൾക്കായി ബിഎംഡബ്ല്യു M5 കോംപറ്റീഷൻ അൾട്രാ സ്ട്രൈക്കിംഗ് പെർഫോമെൻസ് സെഡാൻ ഇന്ത്യയിൽ അവതരിപ്പിച്ചു. 1.62 കോടി രൂപയാണ് വാഹനത്തിന്റെ പ്രാരംഭ എക്സ് ഷോറൂം വില.കംപ്ലീറ്റ്ലി ബിൽറ്റ്-അപ്പ് യൂണിറ്റ് (CBU) റൂട്ട് വഴി ലഭ്യമാക്കിയ ബിഎംഡബ്ല്യു M5 കോംപറ്റീഷൻ കമ്പനിയുടെ ഇന്ത്യ വെബ്സൈറ്റിൽ ഇപ്പോൾ ബുക്കിംഗിനായി ലഭ്യമാണ്.
M ട്വിൻപവർ ടർബോ ടെക്നോളജിയുള്ള V8 എഞ്ചിനാണ് ബിഎംഡബ്ല്യുവിന്റെ ഇന്ത്യയിലെ ഏറ്റവും പുതിയ മോഡലിന് ശക്തി നൽകുന്നത്. പവർ പായ്ക്ക് ചെയ്ത സെഡാൻ 625 bhp കരുത്തും 750 Nm torque ഉം ഉത്പാദിപ്പിക്കുന്നു. വെറും 3.3 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കാൻ ഇതിന് കഴിയും