മുംബൈ : മഹാരാഷ്ട്രയില് ജനവികാരം നടപ്പാക്കുകയാണ് ചെയ്തതെന്ന് മുഖ്യമന്ത്രി ദേവേന്ദ്ര ഫഡ്നാവിസ്. ‘കിച്ചടി’സര്ക്കാരിനുവേണ്ടിയല്ല ജനം വിധിയെഴുതിയത്. ജനവിധി അട്ടിമറിക്കാനാണ് ശിവസേന ശ്രമിച്ചതെന്നും ഫഡ്നാവിസ് പറഞ്ഞു.
ജനങ്ങള് ബി.ജെ.പിക്ക് വ്യക്തമായി ഭൂരിപക്ഷം നല്കി. എന്നാല് മറ്റു പാര്ട്ടികളുമായി ശിവസേന കൂട്ടുകൂടാന് ശ്രമിച്ചത് രാഷ്ട്രപതി ഭരണത്തിലേക്കാണ് സംസ്ഥാനത്തെ കൊണ്ടെത്തിച്ചതെന്നും ഫഡ്നാവീസ് പറഞ്ഞു. ഫട്നാവിസിനേയും അജിത് പവാറിനേയും അഭിനന്ദിച്ച് പ്രധാനമന്ത്രി നരേന്ദ്രമോദി ട്വീറ്റ് ചെയ്തു.
മഹാരാഷ്ട്രയില് വന് നാടകീയ നീക്കങ്ങള്ക്കൊടുവിലാണ് ബി.ജെ.പി – എന്.സി.പി സഖ്യ സര്ക്കാര് അധികാരമേറ്റത്. ബി.ജെ.പിയുടെ ദേവേന്ദ്ര ഫഡ്നാവീസ് മുഖ്യമന്ത്രിയായി സത്യപ്രതിജ്ഞ ചെയ്തു. എന്.സി.പിയുടെ അജിത് പവാര് ഡെപ്യൂട്ടി മുഖ്യമന്ത്രിയായും സത്യപ്രതിജ്ഞ ചെയ്തു.