സോന്ഭദ്ര: തെരഞ്ഞെടുപ്പ് റാലിയുടെ നടുവില് വോട്ടര്മാര്ക്ക് മുന്നില് ഏത്തമിട്ട് മാപ്പ് പറഞ്ഞ് ബി.ജെ.പി എം.എല്.എ. ഉത്തര്പ്രദേശിലെ സോന്ഭദ്രയിലാണ് സംഭവം. തെരഞ്ഞെടുപ്പ് റാലി നടക്കുന്നതിനിടെയാണ് എം.എല്.എയായ ഭൂപേഷ് ചൗബ കസേരയില് എഴുന്നേറ്റ് നിന്ന് ഏത്തമിടാന് തുടങ്ങിയത്.
കഴിഞ്ഞ അഞ്ചുവര്ഷത്തെ തന്റെ ഭരണകാലത്ത് സംഭവിച്ച തെറ്റുകള് നിങ്ങള് മാപ്പാക്കണം എന്ന് പറഞ്ഞാണ് എം.എല്.എ ഏത്തമിടല് തുടങ്ങിയത്. വീണ്ടും ജനവിധി ടേുന്ന കിഴക്കന് യു.പിയിലെ തന്റെ മണ്ഡലമായ റോബര്ട്ട് ഗഞ്ചില് നടന്ന തെരഞ്ഞെടുപ്പ് സമ്മേളനറാലിയിലാണ് എം.എല്.എയുടെ അപ്രതീക്ഷിത നീക്കം.
വേദിയിലിരിക്കുന്ന നേതാക്കള്ക്കോ റാലിയില് പങ്കെടുത്ത ജനങ്ങള്ക്കോ ആദ്യം കാര്യം പിടികിട്ടിയില്ല. ‘ദൈവതുല്യരായ എന്റെ വോട്ടര്മാര് 2017 തെരഞ്ഞെടുപ്പില് എന്നെ അനുഗ്രഹിച്ചതു പോലെ ഈ തെരഞ്ഞെടുപ്പിലും വോട്ടുകളിലൂടെ അനുഗ്രഹം നല്കണമെന്നും’ കൂപ്പുകൈകളോടെ ചൗബ ആവശ്യപ്പെട്ടു.
राबर्ट्सगंज से BJP विधायक भूपेश चौबे ने कान पकड़कर लगाई उठक-बैठक, जनता से 5 साल में हुई गलतियों की मांगी माफी#UPElections2022 pic.twitter.com/QE6PZ8U5ML
— News24 (@news24tvchannel) February 23, 2022
എം.എല്.എ ഏത്തമിടാന് തുടങ്ങിയപ്പോള് അണികള് മുദ്രാവാക്യങ്ങളും കൈയടികളുമായി പ്രോത്സാഹിപ്പിച്ചു. അതേ സമയം ഏത്തമിടുന്ന എം.എല്.എ വേദിയിലിരിക്കുന്ന പ്രവര്ത്തകര് പിന്തിരിക്കാന് ശ്രമിക്കുകയും ചെയ്തു.