തലശ്ശേരി: കണ്ണൂരില് ധര്മ്മടത്ത് ബിജെപി പ്രവര്ത്തകന് വെട്ടേറ്റു മരിച്ചു. അണ്ടല്ലൂര് മുല്ലപ്രം ക്ഷേത്രത്തിന് സമീപത്തെ ചോമന്റവിടെ വീട്ടില് എഴുത്താന് സന്തോഷ് (52) ആണ് മരിച്ചത്.
ബുധനാഴ്ച രാത്രി 11.30ഓടെയാണ് ആയുധങ്ങളുമായത്തെിയ ഒരുസംഘം വീട്ടിലത്തെി ആക്രമിച്ചത്. ഗുരുതരമായി പരിക്കേറ്റ സന്തോഷിനെ ഉടന് തലശ്ശേരിയിലെ ആശുപത്രിയിലെത്തെിച്ചെങ്കിലും മരിച്ചു.
കഴിഞ്ഞ തദ്ദേശസ്വയംഭരണ തെരഞ്ഞെടുപ്പില് ധര്മടം പഞ്ചായത്തിലേക്ക് സന്തോഷ് ബിജെപി സ്ഥാനാര്ഥിയായി മത്സരിച്ചിരുന്നു. സംഭവത്തിനു പിന്നില് സിപിഎം ആണെന്ന് ബിജെപി ആരോപിച്ചു.
ഇതേ തുടര്ന്ന് ബിജെപി ആഹ്വാനം ചെയ്ത ഹര്ത്താല് തുടങ്ങി. രാവിലെ ആറു മുതല് വൈകീട്ട് ആറു വരെയാണ് ഹര്ത്താല്. കലോത്സവത്തെ ഹര്ത്താലില് നിന്ന് ഒഴിവാക്കിയിട്ടുണ്ടെന്ന് അധികൃതര് അറിയിച്ചു. എന്നാല് വാഹനങ്ങള് നിരത്തിലിറങ്ങാന് അനുവദിക്കില്ലെന്ന് ബിജെപി ജില്ലാ പ്രസിഡന്റ് അറിയിച്ചു.