ദില്ലി:ഏഷ്യൻ വിപണിയിൽ ബിറ്റ്കോയിൻ ശനിയാഴ്ച ഉണ്ടാക്കിയത് ചരിത്രത്തിലെ ഏറ്റവും വലിയ മുന്നേറ്റം. ഒരു ബിറ്റ്കോയിന്റെ മൂല്യം 56620 ഡോളറിലെത്തി. ഒരാഴ്ച മുമ്പത്തെ മൂല്യത്തിൽ നിന്ന് 18 ശതമാനം വളർച്ചയാണ് നേടിയത്. ഒരു വർഷത്തിനിടെ 92 ശതമാനം വളർച്ച നേടാനായി.
ലോകത്തെ രണ്ടാമത്തെ വലിയ ക്രിപ്റ്റോകറൻസിയായ എതർ മൂല്യത്തിലും വർധനവാണ്. ഒരാഴ്ചക്കിടെ 12 ശതമാനം നേട്ടമുണ്ടാക്കി. ലോകത്താകമാനം നിക്ഷേപകരിൽ നിന്നുണ്ടായ അനുകൂല പെരുമാറ്റമാണ് ബിറ്റ്കോയിനിന്റെ മൂല്യ വർധനവിന്റെ കാരണം.
